ნიკოლოზ გომელაური

დაბადების ადგილი: სოფელი მირზაანი, დედოფლისწყაროს რაიონი. 

დაამთავრა ამიერკავკასიის სამთო–მეტალურგიული ინსტიტუტი 1930 წელს.

1931-1933წწ. იყო ამიერკავკასიის სამთო–მეტალურგიული ინსტიტუტის სამთო–მექანიკური ფაკულტეტის დეკანი; 1932-1937წწ. მინერალური ნედლეულის ინსტიტუტის ამიერკავკასიის ფილიალის გამდიდრების ლაბორატორიის გამგე; 1937-1941წწ. ტრესტ "ჭიათურმანგანუმის" სისტემაში მშენებლობების უფროსი; 1944-1957წწ. რუსთავის მეტალურგიული ქარხნის დირექტორი; 1970-1977წწ. მინერალური ნედლეულის კავკასიის ინსტიტუტის დირექტორი; მისი ძირითადი შრომები ეხება სპილენძ–მოლიბდენის მადნების სელექციური ფლოტაციისა და კომპლექსური გამოყენების აგრეთვე მანგანუმის ღარიბი მადნებისა და შლამის გამდიდრება–გამოყენების საკითხებს; მიღებული აქვს სახელმწიფო ჯილდოები; საქართველოს სსრ II-VII მოწვევების უმაღლესი საბჭოს დეპუტატი. მეტალურგი, პროფესორი (1972).

წყარო: საქართველო: ენციკლოპედია: ტ.2. – თბ., 2012. – გვ.92; ქართული საბჭოთა ენციკლოპედია: ტ. 3.-თბ., 1978.-გვ.213-214

• საქართველოს სახალხო მეურნეობის საბჭო, თავმჯდომარე (1963-1965)
• საქართველოს სსრ მინისტრთა საბჭო, თავმჯდომარის მოადგილე (1965-1970)
• სკკპ, წევრი (1938-)

• 1962 - ლენინური პრემია
• ლენინის ორდენი (2 ორდენი)

• ნახშირგამამდიდრებელი ფაბრიკების დაპროექტება : სახელმძღვ. პოლიტექნიკ. ინ-ტის სტუდენტებისათვის (ავტორი). - თბილისი, განათლება, 1972. - 567გვ.
• საქართველოს მოწინავე მეტალურგთა გამოცდილება (ავტორი). - თბილისი, საბჭ. საქართველო, 1966. - 32გვ.