ნატა ბაძოშვილი

დაბადების ადგილი: ქ. თელავი.

დაამთავრა თბილისის სახელმწიფო უნივერსიტეტის საერთო სამედიცინო ფაკულტეტი 1932 წელს.

1932–1938წწ. იყო რესპუბლიკური საავადმყოფოს ექიმი–ორდინატორი; 1938 წლიდან თბილისის სტომატოლოგიური ინსტიტუტის ქირურგიული სტომატოლოგიის კათედრის ასისტენტი; 1941–1944წწ. სამხედრო ჰოსპიტლის ექიმი; 1946 წლიდან თბილისის სტომატოლოგიური ინსტიტუტის ასისტენტი; 1953 წლიდან ექიმთა დახელოვნების ინსტიტუტის ქირურგიული სტომატოლოგიის კათედრის ასისტენტი; 1954 წლიდან დოცენტი; 1974 წლიდან ამავე კათედრის პროფესორი; 1993 წლიდან კათედრის კონსულტანტი. ავტორია 98 სამეცნიერო ნაშრომის; 1955–1993წწ. სამეცნიერო პრაქტიკულ ხელმძღვანელობას უწევდა ექიმთა დახელოვნების ინსტიტუტს. არის ყბა–სახის ქირურგი, სტომატოლოგი, მედიცინის მეცნიერებათა დოქტორი, პროფესორი. 7 მედლის მფლობელი.

საკანდიდატო დისერტაციის თემა - "სანერწყვე ჯირკვლების კენჭოვანი დაავადება და მკურნალობა", დაიცვა 1944 წელს.

სადოქტორო დისერტაციის თემა - "ქვედა ყბის მოტეხილობის კომპრესიული აპარატით მკურნალობის მეთოდი", დაიცვა 1974 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.33

• სამამულო ომის II ხარისხის ორდენი
• მედიცინის დამსახურებული მოღვაწე