The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



გიგა ბოკერია

გიგა ბოკერია
ოფიციალური სახელი:გიორგი ბოკერია
დაბადების თარიღი:20 აპრილი, 1972  (49 წლის)
კატეგორია:თანამდებობის პირი, ისტორიკოსი, პოლიტიკური ლიდერი, ჟურნალისტი

ბიოგრაფია

დაბადების ადგილ: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ისტორიის ფაკულტეტი კვალიფიკაციით ისტორიკოსი 1995 წელს; დიდი ბრიტანეთის გაერთიანებული სამეფოს ლისტერის უნივერსიტეტის იურიდიული ფაკულტეტი.

1992-1993წწ. მუშაობდა გაზეთ "მიმომხილველში" ჯერ კორესპონდენტად, შემდეგ პოლიტიკური განყოფილების უფროსად; 1996 წელს ლ. რამიშვილთან, გ. თარგამაძესთან და დ. ზურაბიშვილთან ერთად დააფუძნა ლიბერალური საჯარო პოლიტიკის ადვოკატირების არასამეწარმეო და არაპარტიული საზოგადოება "თავისუფლების ინსტიტუტი"; 1989–1995წწ. სტუდენტური მოძრაობის ერთ–ერთი ლიდერია; რადიო-გადაცემა "პიკის-საათის" პოლიტიკური მიმომხილველი(1993); 1995-1996წწ. გაზეთ "არგუმენტის" პოლიტიკური განყოფილების უფროსი; ტელეარხი "რუსთავი2"-ის გადაცემა "აქცენტების" ავტორი და წამყვანი(1996), საინფორმაციო პროგრამა "კურიერის" კორესპოდენტი; 1994 წელს იმყოფებოდა აშშ-ში სტაჟირებაზე და მუშაობდა მედისონის(აიოვას შტატი) ადგილობრივ გაზეთში; აქვს საგაზეთო სტატიები და რამდენიმე პუბლიკაცია რუსულ და ინგლისურ ენოვან გაზეთებში; 1996-2004წწ. "თავისუფლების ინსტიტუტი" - ადამიანის უფლებათა პროგრამების კოორდინატორი, უფროსი იურიდიული მრჩეველი; 2008-2010წწ. საქართველოს საგარეო საქმეთა მინისტრის პირველი მოადგილე; 2010-2013წწ. უშიშროების საბჭოს მდივანი, პრეზიდენტის თანაშემწე ეროვნული უშიშროების საკითხებში.

წყარო: ვინ ვინაა საქართველოში: ქართული ბიოგრაფიული ცნობარი. -თბ., 1996-97. -გვ.41; საქართველოს პარლამენტის წევრები 1990-2015.- თბ.-2015.-გვ. 96; საქართველოს პარლამენტის ვებგვერდი: parliament.ge; civil.ge

ორგანიზაციის, ასოციაციის ან ჯგუფის წევრი

  • ევროპის საბჭოს საპარლამენტო ასამბლეის (PACE) ვიცე–პრეზიდენტი (2005-2008)
  • ევროსაბჭოს საპარლამენტო ასამბლეა, საქართველოს პარლამენტის მუდმივმოქმედი საპარლამენტო დელეგაციის ხელმძღვანელი (2007-)
  • ნატოს მუდმივმოქმედი საპარლამენტო ასამბლეა, საქართველოს პარლამენტის მუდმივმოქმედი საპარლამენტო დელეგაციის წევრი (2004-)
  • პოლიტიკური პარტია "ერთიანი ნაციონალური მოძრაობა", ერთ-ერთი ლიდერი
  • საქართველოს ახალგაზრდული ქრისტიანულ-დემოკრატიული ასოციაცია, წევრი (1993-)
  • საქართველოს დროებითი სტუდენტური კავშირი, წევრი (1991-1992)
  • საქართველოს იუსტიციის უმაღლესი საბჭო, წევრი (2007-)
  • საქართველოს მე-6 მოწვევის პარლამენტის, წევრი (2004-2008)
  • საქართველოს მე-6 მოწვევის პარლამენტის ფრაქცია "ნაციონალური მოძრაობა-დემოკრატები", წევრი (2004-2008)
  • საქართველოს მე-6 მოწვევის პარლამენტის იურიდიულ საკითხთა კომიტეტი, თავმჯდომარის მოადგილე (2004-2008)
  • საქართველოს მე-9 მოწვევის პარლამენტი, წევრი (2016-2020)
  • საქართველოს მე-9 მოწვევის პარლამენტის ფრაქცია "ევროპული საქართველო", წევრი (2017-)
  • საქართველოს მე-9 მოწვევის პარლამენტის ფრაქცია "ერთიანი ნაციონალური მოძრაობა", წევრი (2016-2017)
  • სტუდენტური გაერთიანება "პრეს-კლუბი", წევრი (1991-1992)

გააზიარე: