ელისო ბოლქვაძე

დაბადების ადგილი: ქ. თბილისი.

დაამთავრა თბილისის ვანო სარაჯიშვილის სახელობის სახელმწიფო კონსერვატორია 1984 წელს; ასპირანტურა 1992 წელს.

1993-1996წწ. თბილისის ვ. სარაჯიშვილის სახელობის სახელმწიფო კონსერვატორიის პედაგოგი; მონაწილეობდა საერთაშორისო ფესტივალებში; ჰქონდა სოლო-კონცერტები (ძირითადად საზღვარგარეთ), ღია გაკვეთილები, კონცერტები სიმფონიურ ორკესტრთან ერთად. მისი შესრულებით ჩაწერილია კომპაქტური დისკები "არტ ენდ ელექტრონიქსში" (1990), რომელიც კალიფორნიაში დაიბეჭდა; ხუთი კონცერტი ჯანსუღ კახიძესთან ერთად "Sony Clasical"-ში; "Radio France"-ში პარიზში გამოვიდა ლონგის კონკურსის ლაურეატების ჩანაწერი, რომელშიც მისი ფინალის კონცერტია ჩაწერილი (1995). პიანისტის შემოქმედების ბოლო წლები ავსტრიასა და საფრანგეთში უკავშირდება ცნობილ მუსიკოსს და პედაგოგს - მიშელ სონის, რომელთანაც იგი ასევე თანამშრომლობს საერთაშორისო ფონდ "SOS  Talents"-ის პროექტში. პიანისტი კონცერტებს მართავს მსოფლიოს პრესტიჟულ დარბაზებში - ევროპას, ამერიკასა და რუსეთში; იგი თანამშრომლობს გამოჩენილ დირიჟორებთან; ხშირად იწვევენ სიმფონიური სეზონების გასახსნელად საზღვარგარეთ  და ასევე საერთაშორისო ფესტივალებზე. არის ერთადერთი ქართველი პიანისტი, რომლის კონცერტები რეგულარულად გადაიცემა ცნობილ ფრანგულ მუსიკალურ არხ Mezzo-ზე; 2012-2020წწ. ა(ა) იპ "ელისო ბოლქვაძის საქველმოქმედო ფონდი ლირა" დირექტორი, (დამფუძნებელი); 2020 წ. საქართველოს  მე-10 მოწვევის პარლამენტის წევრი, საარჩევნო ბლოკი: "ქართული ოცნება - დემოკრატიული საქართველო", საარჩევნო ფორმა: პარტიული სიით. მიღებული აქვს: მუსიკოს-შემსრულებელთა ბახის სახელობის საერთაშორისო კონკურსის (ლაიფციგი) VI პრემია (1984), მუსიკოს-შემსრულებელთა ვიანა დე მოტას სახელობის ლისაბონის (პორტუგალია) X საერთაშორისო კონკურსის II პრემია (1987), ვან კლიბერნის სახელობის საერთაშორისო კონკურსის (ქ. ფორტ-უერთი, აშშ, 1989) ლაურეატი, პრიზი ფრანგული მუსიკის საუკეთესო ინტერპრეტაციისათვის (1994), მარგარიტა ლონგის სახელობის საერთაშორისო კონკურსის ლაურეატი (1995), ჟაკ ტიბოს სახელობის საერთაშორისო კონკურსის ლაურეატი (1995), იუნესკოს მშვიდობის არტისტის წოდება (2015).

წყარო: ვინ ვინაა საქართველოში: ქართული ბიოგრაფიული ცნობარი.- თბ., 1996-97. -გვ.41; საქართველოს პარლამენტის ვებგვერდი: parliament.ge

• საქართველოს მე-10 მოწვევის პარლამენტი, წევრი (2020-)
• საქართველოს მე-10 მოწვევის პარლამენტის ადამიანის უფლებათა დაცვისა და სამოქალაქო ინტეგრაციის კომიტეტი, წევრი (2020-)
• საქართველოს მე-10 მოწვევის პარლამენტის განათლების, მეცნიერებისა და კულტურის კომიტეტი, წევრი (2020-2021)
• საქართველოს მე-10 მოწვევის პარლამენტის ევროპასთან ინტეგრაციის კომიტეტი, წევრი (2020-2020)
• საქართველოს მე-10 მოწვევის პარლამენტის კულტურის კომიტეტი, კომიტეტის თავმჯდომარე (2021-)
• საქართველოს მე-10 მოწვევის პარლამენტის ფრაქცია "ქართული ოცნება", წევრი (2020-)

• 2019 - პრემია "საგურამო", მუსიკის დარგში
• 2018 - ღირსების ორდენი
• 1993 - საქართველოს სახელმწიფო პრემია