გივი გაბუნია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1967 წელს, 1973 წელს მოსკოვის ცენტრალური სამეცნიერო–კვლევითი და საპროექტო ინსტიტუტის ასპირანტურა.

1974–1980წწ. იყო თბილისის ზონალური სამეცნიერო–კვლევითი  ინსტიტუტის უფროსი მეცნიერ–თანამშრომელი, არქიტექტურულ–საკონსტრუქტორო სახელოსნოს უფროსი; 1991 წლიდან იყო საქართველოს არქიტექტურის და მშენებლობის  საქმეთა მინისტრის მოადგილე. ძირითადი ნამუშევრებია: ქალაქ სოჭში კიროვის სახელობის სანატორიუმის რეკონსტრუქცია (1978), სანატორიუმის ტიპის პანსიონატი (1986), გვინეის რესპუბლიკაში საავადმყოფო (1979) და სხვ. 1990 წლიდან ეწევა პედაგოგიურ მოღვაწეობას საქართველოს ტექნიკურ უნივერსიტეტში. არქიტექტურის კანდიდატი (1975).

წყარო: საქართველო: ენციკლოპედია: ტ.I.–თბ., 1997.–გვ.523; საქართველოს არქიტექტორთა კავშირი: m.facebook.com

• საქართველოს არქიტექტორთა კავშირი, წევრი (1969-)
• საქართველოს არქიტექტორთა კავშირის გამგეობა, თავმჯდომარის პირველი მოადგილე (1980-1983)

• 1988 - საქართველოს არქიტექტურის I ბიენალე, ლაურეატი