ოთარ ჩუბინიშვილი

დაბადების ადგილი: ქ. თბილისი.

დაამთავრა მოსკოვის სახელმწიფო კონსერვატორია (პროფესორ კნუშევიცკის კლასი, ჩელო) 1965 წელს; 1967 წელს ასპირანტურა.

1965 წლიდან არის თბილისის სახელმწიფო ფილარმონიის სოლისტი; 1967 წლიდან თბილისის სახელმწიფო კონსერვატორიის პედაგოგი; 1972 წლიდან უკრავდა საქართველოს სახელმწიფო სიმებიან კვარტეტში; მის საშემსრულებლო ხელოვნებას კარგად იცნობენ რუსეთის, გერმანიის, ჩეხეთის, ავსტრიის, საფრანგეთის, ფინეთის, ნორვეგიის, დანიის, იტალიის, ნიდერლანდების, ბელგიის, დიდი ბრიტანეთის, აშშ-ის და სხვა ქვეყნების მუსიკოსები და კლასიკური მუსიკის მოყვარულები. 1973 წელს ქალაქ ბუდაპეშტში ვაინერის სახელობის კვარტეტების საერთაშორისო კონკურსზე ოთარ ჩუბინიშვილს მიენიჭა ლაურეატის წოდება და პრემია უნგრული მუსიკის საუკეთესო შესრულებისათვის; 1990-1998 წლებში მოღვაწეობდა გერმანიაში. ვიოლონჩელისტი.

წყარო: ვინ ვინაა საქართველოში: ქართული ბიოგრაფიული ცნობარი. – 1998-1999. - გვ.372; ქართული საბჭოთა ენციკლოპედია, ტ. 11. - თბ., 1987. -გვ. 165; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.229; amp.ka.shops-net.com

• საქართველოს თეატრალური საზოგადოება, წევრი

• 2016 - ხელოვნების ქურუმი
• 2001 - ღირსების ორდენი
• 1980 - საქართველოს სახალხო არტისტი
• 1975 - ზაქარია ფალიაშვილის სახელობის პრემია
• შოთა რუსთაველის სახელობის სახელმწიფო პრემია