ზურაბ ბერაია

დაბადების ადგილი: ქ. ხაშური.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1976 წელს.

1976–1977წწ. ინტერნატურა ფსიქიატრიაში გაიარა რესპუბლიკურ ფსიქიატრიულ საავადმყოფოში; 1977–1985წწ. იყო განყოფილების გამგე სურამის ფსიქიატრიულ საავადმყოფოში; 1985–1993წწ. მ. ასათიანის სახელობის ფსიქიატრიის სამეცნიერო–კვლევითი ინსტიტუტის მეცნიერ–მუშაკი; 1993 წლიდან თბილისის სახელმწიფო სამედიცინო ინსტიტუტის ფსიქიატრიის სამედიცინო ფსიქოლოგიის კათედრის დოცენტი. ავტორია 21 სამეცნიერო ნაშრომის შიზოფრენიის კლინიკისა და შიზოფრენიით დაავადებულთა მკურნალობის შესახებ. ხელმძღვანელობს სტუდენტების სამეცნიერო–პრაქტიკულ მუშაობას ფსიქიატრიის დარგში. ექიმი–ფსიქიატრი, მედიცინის მეცნიერებათა კანდიდატი.

საკანდიდატო დისერტაციის თემა - "შიზოფრენიით დაავადებულთა მკურნალობა ბეტა–ადრენობლოკატორებით ფსიქოფარმაკოთერაპიის პროცესში", დაიცვა 1994 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ., 2000.-გვ.37

• საერთაშორისო ორგანიზაცია "ჟენევის ინიციატივა ფსიქიატრიაში", წევრი
• საქართველოს ფსიქიატრთა საზოგადოება, მდივანი