ალექსანდრა გორგიძე

დაბადების ადგილი: ტყიბულის რაიონი, სოფელი მანდიკორი.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1950 წელს.

1956-1980წწ. მუშაობდა საქართველოს მეცნიერებათა აკადემიის ბოტანიკის ინსტიტუტში სხვადასხვა სამეცნიერო თანამდებობაზე; 1979-1980წწ. იყო ამავე ინსტიტუტის კულტურის ფლორის განყოფილების გამგე; 1980 წელს საქართველოს სასოფლო–სამეურნეო ინსტიტუტის ბოტანიკის კათედრის გამგე; 1984 წლიდან გარდაცვალებამდე ამავე ინსტიტუტის პრორექტორი სამეცნიერო დარგში; მისი კვლევის ძირითადი მიმართულებები: ზოგადი გენეტიკა, კულტურული მცენარეების სახეთა და ფორმათა წარმოქმნისა და ევოლუციური საკითხების შესწავლა, სისტემატიკა, პალეოეთნობოტანიკა, რადიობიოლოგია; ბიოლოგიის მეცნიერებათა დოქტორი (1973), პროფესორი (1984). დაჯილდოებული იყო ორდენებითა და მედლებით.

წყარო: საქართველო: ენციკლოპედია: ტ.2. – თბ., 2012. – გვ.103; ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ.174-175

• საქართველოს ბოტანიკური საზოგადოების კულტურული ფლორის სექცია, თავმჯდომარე
• საქართველოს გენეტიკოსთა და სელექციონერთა საზოგადოება, ვიცი-პრეზიდენტი
• საქართველოს მეცნიერებათა აკადემიასთან არსებული გენეტიკოსთა და სელექციონერთა საკორდინაციო საპრობლემო საბჭო, თავმჯდომარის მოადგილე

• 1991 - საქართველოს სახელმწიფო პრემია