რიმა ბერიაშვილი

დაბადების ადგილი: ქ. გურჯაანი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1980 წელს.

1980–1982წწ. იყო თბილისის სახელმწიფო სამედიცინო ინსტიტუტის პათოლოგიური ანატომიის კათედრის კლინიკური ორდინატორი; 1983–1995წწ. კათედრის ასისტენტი; 1995 წლიდან ამავე კათედრის დოცენტი და 1997 წლიდან თბილისის სახელმწიფო სამედიცინო ინსტიტუტის საერთაშორისო ურთიერთობათა  განყოფილების გამგე. ავტორია 35 სამეცნიერო ნაშრომის ნეიროგლიის, სიბერის, ჰიპოქსიის, მიელინიზაციის პრობლემებზე. სტაჟირება გაიარა ამერიკის შეერთებულ შტატებში, ემორის უნივერსიტეტში. ექიმი–პათოლოგანატომი, მედიცინის მეცნიერებათა კანდიდატი, დოცენტი.

საკანდიდატო დისერტაციის თემა - "ცალკეული ფორმის გლიური უჯრედების მორფო–ფუნქციური თავისებურებანი დაბერების პროცესში" დაიცვა 1990 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.37

• ათეროსკლეროზის საერთაშორისო საზოგადოება, წევრი
• გულის იშემიური ავადმყოფობის საერთაშორისო ასოციაცია, წევრი