ვასილ გაბაშვილი

დაბადების ადგილი: ქ. თბილისი.

დაამთავრა თბილისის კლასიკური გიმნაზია.

1870 წელს ჩაირიცხა თბილისის სამხედრო სასწავლებელში; 1877–1878წწ. რუსეთ–თურქეთის ომის დროს მეთაურობდა სამხედრო შენაერთებს; 1914–1918წწ. მონაწილეობდა I მსოფლიო ომში, 1915 წლიდან დასავლეთის ფრონტზე კავკასიის გრენადერთა დივიზიას მეთაურობდა; 1916  წლიდან იყო თბილისის კომენდანტი; 1921 წლიდან მუშაობდა საქართველოს სამხედრო სასწავლებლების დაწესებულებათა სამმართველოში. იგი მრავალმხრივი მოღვაწე იყო. მორალურად და მატერიალურად ეხმარებოდა ხელმოკლე და ღარიბ ქართველ მოსწავლეებს. მნიშვნელოვანი ფულადი სახსრებით ხელს უწყობდა ჟურნალ–გაზეთებისა და წიგნების გამოცემის საქმეს. მან თავისი გლეხები ბეგარა–გადასახადებისაგან გაათავისუფლა. ეხმარებოდა მათ მიწების შეძენაში. დიდ მზრუნველობას იჩენდა ქართველი კათოლიკების მიმართ. წინააღმდეგობა გაუწია გორის მაზრაში, ტირიფონის ველიდან ქართველი გლეხობის აყრას და იქ  სამხედრო პოლიგონის მოწყობას. საზოგადო და სამხედრო მოღვაწე. ინფანტერიის გენერალი (1913).

წყარო: საქართველო: ენციკლოპედია: ტ.I.–თბ., 1997.–გვ.517; საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ.80 

• წმინდა ვლადიმირის IV ხარისხის ორდენი
• წმინდა ვლადიმირის III ხარისხის ორდენი
• წმინდა გიორგის IV ხარისხის ორდენი