ვლადიმერ გაბაშვილი

დაბადების ადგილი: ქ. თბილისი.

დაამთავრა სარატოვის სამედიცინო ინსტიტუტი 1943 წელს.

1943–1945წწ. მონაწილეობდა II მსოფლიო ომში. იყო ჯერ პოლკის(ლეგიონი), შემდეგ ბრიგადის უფროსი ექიმი; 1949–1950წწ. მუშაობდა ექიმთა დახელოვნების თბილისის სახელმწიფო ინსტიტუტის ნერვულ სნეულებათა კათედრაზე; 1952–1958წწ. კი მოსკოვში, სსრკ მედიცინის მეცნიერებათა აკადემიის ნევროლოგიის ინსტიტუტში მეცნიერ თანამშრომლად; 1958 წლიდან იყო საქართველოს ჯანდაცვის სამინისტროს კლინიკური და ექსპერიმენტული ნევროლოგიის ინსტიტუტში, სადაც 1968–1984წწ. განაგებდა კლინიკურ განყოფილებას; 1984–1989წწ. იყო პეტრე სარაჯიშვილის სახელობის კლინიკური და ექსპერიმენტული ნევროლოგიის ინსტიტუტის დირექტორი, 1989 წლიდან მრჩეველი. ნევროპათოლოგი. მედიცინის მეცნიერებათა დოქტორი(1968), პროფესორი(1980). მიღებული აქვს სახელმწიფო და საბრძოლო ჯილდოები.

წყარო: საქართველო: ენციკლოპედია: ტ.I.–თბ., 1997.–გვ.517

• საქართველოს მედიცინის მეცნიერებათა აკადემია, წევრი (1994-)
• სსრკ მედიცინის მეცნიერებათა აკადემიის ნევროლოგიის ინსტიტუტის სამეცნიერო საბჭო, თავმჯდომარის მოადგილე (1984-1990)
• სსრკ მედიცინის მეცნიერებათა აკადემიის ნევროლოგიის ინსტიტუტის სამეცნიერო საბჭოსთან არსებული ეპილეფსიის საპრობლემო კომისია, თავმჯდომარე

• 1996 - ღირსების ორდენი
• 1984 - საქართველოს სახელმწიფო პრემია, ეპილეფსიის პრობლემების შესწავლისათვის
• 1980 - საქართველოს მეცნიერებათა დამსახურებული მოღვაწე