ბიძინა ივანიშვილი

დაბადების ადგილი: საჩხერის მუნიციპალიტეტი, სოფელი ჭორვილა.

დაამთავრა თბილისის სახელმწიფო უნივერსიტეტი 1980 წელს.

სწავლის პარალელურად მუშაობდა კამოს სახელობის მექანიკურ-ჩამომსხმელ ქარხანაში დამლაგებლად და მუშად; 1980 წელს ამავე ქარხანაში უფროს ინჟინრად, მოგვიანებით კი სამეცნიერო ლაბორატორიის ხელმძღვანელად დაინიშნა; 1982-1986წწ. სწავლობდა ასპირატურაში შრომისა და სოციალური პრობლემების მოსკოვის ინსტიტუტში; 1988 წელს მეგობრებთან ერთად დააფუძნა კოოპერატივი "აგროპროგრესი", რომელიც მოგვიანებით სამეწარმეო კომპანიად გადაიქცა;  1991 წელს გახდა ბანკ "როსიისკი კრედიტის" დირექტორთა საბჭოს თავმჯდომარე და მისი პრეზიდენტი; 2012-2013წწ. საქართველოს პრემიერ-მინისტრი; 2000 წლიდან სან-მარინოს საპატიო კონსულია საქართველოში. 2005-2010წწ. ქველმოქმედებაზე სულ 1 156 081 151 ლარი დახარჯა. ქველმოქმედება ფონდების - "ქართუ", "ისტორიულ ძეგლთა დაცვისა და გადარჩენის ფონდი" და ასოციაცია "ატუს" მეშვეობით ხორციელდებოდა. თანხა კულტურის, ხელოვნების, სპორტის, მედიცინის, მეცნიერების, განათლების, სოფლის მეურნეობის სფეროებსა და სოციალურად დაუცველ პირთა დახმარებაზე გადანაწილდა. 

დისერტაციის თემა - "მეცნიერული ორგანიზაცია და შრომის ეკონომიკა", დაიცვა 1982 წელს.

წყარო: საქართველოს მთავრობის ვებგვერდი: gov.ge; საქართველო: ენციკლოპედია: ტ. IV. -თბ., 2018. -გვ.211

• "ქართუ ბანკი", დამფუძნებელი (1996-)
• ბანკი "როსიისკი კრედიტი", დამაარსებელი (1990-)
• კოოპერატივი "აგროპროგრესი" შემდგომში სამეწარმეო კომპანია, ერთ-ერთი დამფუძნებელი (1988-)
• პოლიტიკური პარტია "ქართული ოცნება-დემოკრატიული საქართველო", დამფუძნებელი (2012-)
• საზოგადოებრივი მოძრაობა "ქართული ოცნება", დამფუძნებელი (2011-)
• ფინანსურ-სამეწარმეო ჯგუფი "უნიკორი", დამფუძნებელი და მეპატრონე

• წმინდა გიორგის ოქროს ორდენი (საქართველოს მართლმადიდებელი ეკლესიის უმაღლესი ჯილდო)