შოთა ბიბილეიშვილი

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1953 წელს.

1953–1956წწ. იყო ქ. ხოროგის (ტაჯიკეთი) საოლქო საავადმყოფოს ნევროპათოლოგი; 1957–1958წწ. ლენინგრადის I სამედიცინო ინსტიტუტის ნერვულ სნეულებათა კათედრის კლინიკური ორდინატორი; 1959–1961წწ. ქ. გროზნოს რესპუბლიკური საავადმყოფოს ნევროპათოლოგი; 1961–1964წწ. მოსკოვის ექიმთა დახელოვნების ინსტიტუტის ნერვულ სნეულებათა კათედრის ასპირანტი; 1965 წლიდან სარაჯიშვილის სახელობის კლინიკური ნევროლოგიის ინსტიტუტის თანამშრომელი. ავტორია 118 სამეცნიერო ნაშრომის. იყო თბილისის I კლინიკური საავადმყოფოს ნევროლოგიური კლინიკის სამეცნიერო–კლინიკური ხელმძღვანელი. ექიმი ნევროლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა -"თავის ტვინის ელექტრული აქტივობა ექსპერიმენტული ინტრაცერებრული ჰემატომის და თავის ტვინის არტერიების თერმოკუაგულაციის დროს", დაიცვა 1962 წელს; სადოქტორო დისერტაციის თემა - "თავის ტვინის სომნოგენური სისტემა ეპილეფსიის დროს (კლინიკო-ლაბორატორიული კვლევა)", დაიცვა 1986 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.40; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.382

• ამერიკის ნევროლოგიის აკადემია, წევრი

• 1999 - ღირსების ორდენი
  მოსახლეობის ჯანმრთელობის დაცვაში, საქართველოში ნევროლოგიური სამსახურის სრულყოფისა და ოპტიმიზაციის პროგრამის შემუშავებაში შეტანილი პირადი დიდი წვლილისათვის, აქტიური მონაწილეობისათვის, ნაყოფიერი სამეცნიერო და პრაქტიკული მოღვაწეობისათვის