თენგიზ გაზდელიანი

დაბადების ადგილი: ლენტეხის მუნიციპალიტეტი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1971 წელს.

1971-1991 წწ. ეწეოდა სამედიცინო საქმიანობას; 1971-1973 წწ. იყო რუსთავის სპორტული დისპანსერის ექიმ-თერაპევტი; 1973-1974 წწ. თბილისის სპორტული დისპანსერის ექიმ-თერაპევტი; 1974-1975 წწ. მეოთხე დერმატო-ვენეროლოგიური დისპანსერის განყოფილების გამგე; 1975-1978 წწ. N6 ანალოგიური დისპანსერის მთავარი ექიმი; 1978-1979 წწ. N10 მოზრდილთა პოლიკნინიკის მთავარი ექიმი; 1979-1983 წწ. N2 საავადმყოფოს მთავარი ექიმი; 1983-1990წწ. საბურთალოს რაიონის მთავარი ექიმი; 1990-1992 წწ. ქ. თბილისის მთავარი სანიტარული ექიმი; 1992-1994 წწ. საქართველოს მე-3 მოწვევის პარლამენტის წევრი, საარჩევნო ფორმა: მაჟორიტარული, მაჟორიტარი №46 ლენტეხის ერთმანდატიანი საარჩევნო ოლქიდან; 1994-1999 წწ. საქართველოს რესპუბლიკის შრომისა და სოციალური დაცვის მინისტრი; 1999-2004 წწ. საქართველოს მე-5 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი, საარჩევნო ფორმა: მაჟორიტარული, მაჟორიტარი №46 ლენტეხის საარჩევნო ოლქიდან; წლების მანძილზე იყო თბილისის "ქარიშხალას" ხელბურთელთა გუნდის ერთ-ერთი წამყვანი წევრი; გუნდთან ერთად რამდენჯერმე მოიპოვა საკავშირო ჩემპიონატის მედლები და სხვა ჯილდოები; საქართველოს ხელბურთის ფედერაციის პრეზიდენტი. მიღებული აქვს უმაღლესი ექიმ-ორგანიზატორის წოდება. 2020 წლის 15 მაისს, თბილისის ერთ-ერთ ქუჩას მიენიჭა თენგიზ გაზდელიანის სახელი.

წყარო:ვინ ვინაა საქართველოში: ქართული ბიოგრაფიული ცნობარი. -თბ., 1996-97.-გვ.52; საქართველოს პარლამენტის ვებ-გვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ.106; სვანეთი და სვანები / ირაკლი დვალი, გივი ქურდიანი.-თბ., 2014.-გვ.114

• საზოგადოებრივ-პოლიტიკური ორგანიზაცია "ლემი", თავმჯდომარე
• საქართველოს მე-3 მოწვევის პარლამენტი, წევრი (1992-1994)
• საქართველოს მე-3 მოწვევის პარლამენტის ჯანმრთელობის დაცვის მუდმივმოქმედი კომისია, თავმჯდომარე (1992-1994)
• საქართველოს მე-5 მოწვევის პარლამენტი, წევრი (1999-2004)
• საქართველოს მე-5 მოწვევის პარლამენტის გარემოს დაცვისა და ბუნებრივი რესურსების კომიტეტი, კომიტეტის თავმჯდომარე (2002-2004)
• საქართველოს მე-5 მოწვევის პარლამენტის მთიანი რეგიონებისა და განსახლების კომიტეტი, კომიტეტის თავმჯდომარე (1999-2002)
• საქართველოს მე-5 მოწვევის პარლამენტის ფრაქცია "საქართველოს რეგიონები - მაჟორიტარები", წევრი (1999-2004)

• სპორტის ოსტატი