იასონ გორდეზიანი

დაბადების ადგილი: ონის რაიონი, სოფელი საკაო.

სწავლობდა თბილისის სასოფლო–სამეურნეო სკოლაში 1889-1893წწ; ვერსალის (საფრანგეთი) ეროვნულ სასოფლო–სამეურნეო ინსტიტუტში დეკორატიული მებაღეობისა და მწვანე მშენებლობის სპეციალობით 1909-1911წწ.  

1894-1909წწ. საქართველოს სახვადასხვა მხარეში ხელმძღვანელობდა ხეხილის სანერგეებისა და ბაღების, ბაღ–პარკების გაშენებას; მუშაობდა საფრანგეთსა და შვეიცარიაში; ერთხანს იყო კიუს (დიდი ბრიტანეთი) სამეფო ბოტანიკური ბაღის თანამშრომელი; 1913 წელს მიიწვიეს ახლად დაარსებულ ბათუმის ბოტანიკურ ბაღში სამუშაოდ; 1914-1917წწ. იყო ამ ბაღის აღმასრულებელი დირექტორი; მისი უშუალო მონაწილეობით აშენდა ბოტანიკური ბაღის ძირითადი კოლექციები; არის ბათუმის ბოტანიკურ ბაღის ერთ–ერთი დამაარსებელი; მასზე გადაღებულია მოკლემეტრაჟიანი ფილმი; 2012 წელს ბათუმის ბოტანიკური ბაღის 100 წლის იუბილესთან დაკავშირებით ბაღში გაიხსნა მისი ძეგლი და ერთ–ერთ სკვერს მისი სახელი ეწოდა; აგრონომი, მებაღე–დეკორატორი.

წყარო: საქართველო: ენციკლოპედია: ტ.2. – თბ., 2012. – გვ.106