ბადრი შოშიტაიშვილი

დაბადების ადგილი: ქ. თბილისი.

დაამთავრა საქართველოს სახელმწიფო პოლიტექნიკური ინსტიტუტის სატრანსპორტო ფაკულტეტი ხიდებისა და გვირაბების მშენებელი ინჟინრის სპეციალობით 1969 წელს.

სხვადასხვა დროს მუშაობდა მეტროპოლიტენის მშენებლობაზე, საპროექტო-საძიებო ინსტიტუტ "კავგიპროტანსში", იყო თბილისის პარტიის საქალაქო კომიტეტის მშენებლობისა და საქალაქო მეურნეობის განყოფილების ინსტრუქტორი, განყოფილების გამგის მოადგილე, თბილისის საქარხნო რაიონის აღმასკომის თავმჯდომარე, რაიკომის I მდივანი, ტრესტ "კავკაზელექტროქსელმშენის" მმართველის მოადგილე, 1994-1995წწ. თბილისის მუნიციპალიტეტის ვიცე-პრემიერი; 1995 წელს თბილისის ვიცე-მერი და მუნიციპალიტეტის პრემიერი; 1995-1998წწ. თბილისის მერი; 1998-2000წწ. საქართველოს მრეწველობის მინისტრი; 2000-2003წწ. ეკონომიკის, მრეწველობისა და ვაჭრობის მინისტრის პირველი მოადგილე; მნიშვნელოვანი წვლილი აქვს შეტანილი ქ. თბილისის განაშენიანებისა და საქალაქო ინფრასტრუქტურის განვითარების საქმეში; მიღებული ჰქონდა სახელმწიფო ჯილდოები.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., - 1998-1999. -გვ.354; საქართველოს არქიტექტორთა და მშენებელთა ენციკლოპედია. - თბ., 2017.-გვ.620-621