რამაზ შიშნიაშვილი

დაბადების ადგილი: ქ. თბილისი.

დაამთავრა საქართველოს სახელმწიფო სასოფლო-სამეურნეო ინსტიტუტის სატყეო-სამეურნეო ფაკულტეტი 1960 წელს. 1960-1961წწ. იყო დუშეთის სატყეო მეურნეობის სატყეოს უფროსის თანაშემწე, უფროსი; 1961-1967წწ. საგურამოს ნაკრძალის დირექტორი; 1967-1974წწ. მეცნიერებათა აკადემიის პრეზიდიუმის ბუნების დაცვის რესპუბლიკური კომისიის სწავლული მდივანი; 1975-1976წწ. თბილისის გამწვანების სამმართველოს მთავარი მექანიკოსის მოადგილე; 1976-1986წწ. ბოლნისის სატყეო მეურნეობის დირექტორი; 1986წ. დაცული ტერიტორიების, ნაკრძალებისა და სამონადირეო მეურნეობის სახელმწიფო დეპარტამენტის თავმჯდომარე; 1987-1992წწ. საქართველოს სსრ სატყეო მეურნეობის სამინისტროს შემადგენლობაში არსებული ნაკრძალებისა და სამონადირეო მეურნეობის  მთავარი სამმართველოს უფროსი; 1992-2003წწ. საქართველოს რესპუბლიკის დაცული ტერიტორიების, ნაკრძალებისა და სამონადირეო მეურნეობის სახელმწიფო დეპარტამენტის უფროსი. გამოქვეყნებული აქვს 11 სამეცნიერო და პუბლიცისტური სტატია.

საკანდიდატო დისერტაციის თემა - "ფიჭვის შიდასახეობრივი სახეცვლილებანი კავკასიაში", დაიცვა 1968 წელს. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999.-გვ. 353

• საქართველოს მეცნიერებათა აკადემიასთან არსებული ბუნების დაცვის მსოფლიო ფონდი, პრეზიდიუმის წევრი

• 1984 - საქართველოს დამსახურებული მეტყევე