სოლომონ ბუტულაშვილი

XVIII-XIX საუკუნეების  სახალხო გმირი, რომელის წინაპრები, გვარად დრეიძეები, სობელ არბოდან (ახლანდელი გორის რაიონი) სოფელ პატარძეულში (საგარეჯოს რაიონი) გადმოსახლებულან. სოლომონ ბუტულაშვილმა თავი გამოიჩინა რუსეთ–ირანის ომში, 1826 წელს. მოკლეს ერთ–ერთი შეტაკების დროს. დაკრძალულია პატარაძეულში, სადაც შემონახულია ბუტულაანთ საგვარეულო კოშკი. სოლომონ ბუტულაშვილს მიეძღვნა ხალხური ლექსი, რომელიც დღესაც არის სახალხო მთქმელთა რეპერტუარში. სოლომონ ბუტულაშვილის საფლავის ქვის ეპიტაფია: "ჩყკვ (1826) სექტემბრის იდ (14)". 

წყარო: საქართველო: ენციკლოპედია: ტ.I.–თბ., 1997.–გვ.510; იოსებ სიბოშვილი. გარეჯის მადლით მოსილნი : [კახეთის სოფლების პატარძეულის, სართიჭალის და უდაბნოს ისტორია].  - თბილისი 2018. გვ. 40-46: dspace.nplg.gov.ge ; სოლომონ ბუტულაშვილის სახე ქართულ ხალხურ პოეზიაში / მაცაბერიძე, ვ. // ქართული ფოლკლორი : მასალები და გამოკვლევები. - თბილისი, 1964. - N1-2. - გვ.139: dspace.nplg.gov.ge