The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



გოგი გეგეჭკორი

გოგი გეგეჭკორი
ოფიციალური სახელი:გიორგი გეგეჭკორი
დაბადების თარიღი:23 თებერვალი, 1923
გარდაცვ. თარიღი:11 მარტი, 2003  (80 წლის ასაკში)
დაკრძალვის ადგილი:დიდუბის პანთეონი, თბილისი
კატეგორია:მსახიობი

ბიოგრაფია

დაბადების ადგილი: ქ. თბილისი.

დაამთავრა თბილისის თეატრალური ინსტიტუტის სამსახიობო ფაკულტეტი 1944 წელს.

1944 წლიდან იყო შოთა რუსთაველის სახელობის თეატრის მსახიობი, სადაც 120-მდე როლი შეასრულა. განსაკუთრებით მნიშვნელოვანი იყო მ. მრევლიშვილის პიესაში "ბედი მგოსნისა"  განსახიერებული ნიკოლოზ ბარათაშვილის როლი. სპექტაკლი დიდხანს არ ჩამოსულა სცენიდან და საოცარი პოპულარობა მოუტანა მსახიობს; შემდეგ იყო დონ სეზარი("დონ სეზარ დე ბაზანი"), მგელი("ჭინჭრაქა"), ჰამლეტი, გლოსტერი, ბაკინგემი("ჰამლეტი", "მეფე ლირი", "რიჩარდ მესამე") და სხვ. ნ. დუმბაძის "საბრალდებო დასკვნაში" ტიგრან გულოიანის როლი ხუთასზე მეტჯერ ითამაშა. დ.კლდიაშვილის "სამანიშვილის დედინაცვალს", სადაც პლატონ სამანიშვილის როლს ასრულებდა, საეტაპო მნიშვნელობა ჰქონდა რუსთაველის თეატრისათვის და უცხოეთის რამდენიმე ქვეყანაშიც წარმატებით წარმოადგინეს; მოღვაწეობდა კინოსა და ტელევიზიაში; კინოეკრანზე, ტელეფილმებში და რადიოდადგმებში 100-მდე როლი აქვს შესრულებული. გადაღებულია კინო ფილმებში: ლევანი("ჭრიჭინა", 1954), ვახტანგი("აბეზარა", 1956), ბესარიონი("წარსული ზაფხული", 1959), ნესტორი("ეთერის სიმღერა", 1956), ნიკო("ქალის ტვირთი", 1957), მამა("არდადეგები", 1962), ლოგიკის მასწავლებელი("ჩემი მეგობარი ნოდარი", 1967), დირიჟორი("ჩარი რამა", 1972), ფარმაცევტი("ვერის უბნის მელოდიები", 1973), დათიკო("აურზაური სალხინეთში", 1975), გალაკტიონი("ბაკულას ღორები", 1976),  ჩაჩიკა("ნატვრის ხე", 1976), საბა("ბათა ქექია", 1978), სანდრო კარიძე("დათა თუთაშხია", 1978), მოსე("კაცია ადამიანი?!", 1979), ჯანდიერი("ფესვები", 1987), ივერთ მონასტრის ბერი("ანთიმოზ ივერიელი", 2001) და სხვ.

წყარო: ვინ ვინაა საქართველოში: ქართული ბიოგრაფიული ცნობარი. -თბ., 1996-97. -გვ.56 

ჯილდოები, პრემიები და პრიზები

  • 1955 - საქართველოს სახალხო არტისტი
  • ღირსების ორდენი
  • კოტე მარჯანიშვილის სახელობის პრემია
  • საქართველოს სახელმწიფო პრემია

გააზიარე: