გიორგი ბუღაძე

დაბადების ადგილი: სოფელი ფხვენისი, გორის რაიონი. 

დაამთავრა საქართველოს ხალხური შემოქმედების რესპუბლიკურ სახლთან არსებული ლოტბართა კურსები 1940 წელს.

1935 წლიდან მოღვაწეობა დაიწყო როგორც მომღერალმა და ლოტბარმა. ასრულებდა ქართველ კომპოზიტორთა ნაწარმოებებსაც. გ. ბუღაძე არის  შემდეგი სიმღერების ავტორი: "დედა", "სატრფიალო", "გამარჯვების სიმღერა", "სიმღერა რუსთავზე", "ჩვენ მშვიდობა გვინდა", "მარად იცოცხლებს" და სხვ. 1960 წლიდან ხელმძღვანელობდა თბილისის ვაჭრობის მუშაკთა კულტურის სახლთან არსებულ ომისა და შრომის ვეტერანთა ანსამბლს. იყო II მსოფლიო ომის მონაწილე. მიღებული აქვს სახელმწიფო და საბრძოლო ჯილდოები.

წყარო: საქართველო: ენციკლოპედია: ტ.I.–თბ., 1997.–გვ.510; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.334

• 2000 - ღირსების ორდენი
• 1987 - საქართველოს ხელოვნების დამსახურებული მოღვაწე