ალექსანდრე ბუხნიკაშვილი

დაბადების ადგილი: ხაშურის რაიონი, დაბა სურამი. 

დაამთავრა ამიერკავკასიის სამთო-მეტალურგიული ინსტიტუტი 1931 წელს.

მუშაობდა ამიერკავკასიის სამთო მეტალურგიის ინსტიტუტში, 1934 წლიდან სსრკ მეცნიერებათა აკადემიის ამიერკავკასიის ფილიალის გეოფიზიკის ინსტიტუტში; 1937 წლამდე ეწეოდა გეოლოგიურ და გეოფიზიკურ კვლევას საქართველოს მუნიციპალიტეტებში; 1937-1953წწ. მუშაობდა საბჭოთა და პარტიულ სამუშაოზე; 1953-1972წწ. იყო საქართველოს მეცნიერებათა აკადემიის გეოფიზიკის ინსტიტუტის დირექტორი; ძირითადი მეცნიერული შრომები აქვს დედამიწის ქერქისა და სასარგებლო წიაღისეულის გეოფიზიკური მეთოდებით(ელექტროძიება) კვლევის დარგში; გეოფიზიკის ინსტიტუტში მონაწილეობდა და ხელმძღვანელობდა სეტყვის ღრუბლებზე აქტიური ზემოქმედების მეთოდებისა და ტექნიკური საშუალებების დამუშავება-დანერგვის საქმეს; 1972–1975წწ. იყო ქართული საბჭოთა ენციკლოპედიის მთავარი რედაქტორის მოადგილე. გეოფიზიკოსი, გეოლოგიურ–მინერალოგიურ მეცნიერებათა დოქტორი (1965), პროფესორი (1968).

წყარო: საქართველო: ენციკლოპედია: ტ.I.–თბ., 1997.–გვ.513

• საქართველოს II და III მოწვევების უმაღლესი საბჭო, დეპუტატი
• საქართველოს მეცნიერებათა აკადემიის პრეზიდიუმთან არსებული საწარმოო ძალებისა და ბუნებრივი რესურსების შემსწავლელი სამეცნიერო საბჭო , თავმჯდომარის მოადგილე (1975-)

• 1979 - საქართველოს მეცნიერებათა დამსახურებული მოღვაწე
• 1969 - სსრკ სახელმწიფო პრემია
• საპატიო ნიშნის ორდენი
• შრომის წითელი დროშის ორდენი
• წითელი ვარსკვლავის ორდენი