გენადი ბურჭულაძე

დაბადების ადგილი: ქ. ოზურგეთი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1968 წელს.

სამეცნიერო მოღვაწეობას ეწეოდა არნოლდ ჩიქობავას სახელობის ენათმეცნიერების ინსტიტუტში, პედაგოგიურს ცხინვალის პედაგოგიური ინსტიტუტის (ქალაქი გორი) ქართული ენისა და ლიტერატურის კათედრაზე. მისი ძირითადი შრომები ეხება ლაკურ–დარგუულ და ხუნძურ–ანდიურ–დიდოურ ენათა ისტორიულ ფონეტიკას, მორფოლოგიასა და ლექსიკას. ქართული გრამატიკის საკითხებს ეძღვნება: "ინტერესის მიცემითის შესახებ ქართულში" (1978), "ერთგვარშემასმენლიანი შერწყმული წინადადების შესახებ ქართულში" (1978), და სხვ. მისი საგანგებო კვლევების საგანია იბერიულ–კავკასიურ ენათა საერთო ლექსიკა, როგორც ამ ენათა შორის რეგულარული სახის კანონზომიერი ბგერათშესატყვისობების დადგენის ერთადერთი წყარო. ქართველური და მთის იბერიულ–კავკასიურ ენათა სპეციალისტი. გამოქვეყნებული აქვს 350-მდე ნაშრომი, მათ შორის სამი მონოგრაფია. ფილოლოგიის მეცნიერებათა დოქტორი (1982), პროფესორი (1987).

საკანდიდატო დისერტაციის თემა - "სახელთა ბრუნვა ლაკურ ენაში", დაიცვა 1970 წელს; სადოქტორო დისერტაციის თემა – "პიროვანი უღვლილების ჩამოყალიბება ლაკურ ენაში", დაიცვა 1981 წელს.

წყარო: საქართველო: ენციკლოპედია: ტ.I.–თბ., 1997.–გვ.508; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.109

• ჟურნალ "ბურჯი ეროვნებისას" რედკოლეგია, წევრი
• ჟურნალ "იბერიულ-კავკასიური ენათმეცნიერების წელიწდეულის" რედკოლეგია, წევრი
• ჟურნალ "საენათმეცნიერო ძიებანის" რედკოლეგია, წევრი
• ჟურნალ "ქართული მეტყველების კულტურის საკითხების" რედკოლეგია, წევრი
• საქართველოს მეცნიერებათა აკადემიის ენათმეცნიერების ინსტიტუტთან არსებული სადოქტორო ხარისხის მიმნიჭებელი საბჭო, წევრი

• 2005 - არნოლდ ჩიქობავას სახელობის პრემია
• 2000 - ღირსების ორდენი

• შეიცან თავი შენი (ავტორი). - თბილისი, ქართული ენა, 2003. - 214გვ.
• პირის დაბოლოებათა წარმომავლობა ლაკურში (ავტორი). - თბილისი, ქართული ენა, 2002. - 198გვ.
• ზმნური სიტყვაწარმოება ლაკურ ენაში (ავტორი). - თბილისი, მეცნიერება, 1993. - 128გვ.
• ლაკური ზმნა: დრო-კილოთა სისტემა (ავტორი). - თბილისი, მეცნიერება, 1987. - 177გვ.