ერმილე ბურჭულაძე

დაბადების ადგილი: სოფელი სამება, ჩოხატაურის რაიონი.

დაამთავრა თბილისის სახელმწიფო უნივერსიტეტი და ასპირანტურა 1934 წელს.

1934 წლიდან მუშაობდა სკკპ ცკ-თან არსებული მარქსიზმ-ლენინიზმის ინტიტუტის საქართველოს ფილიალში უფროს მეცნიერ მუშაკად; 1935-1937წწ. იყო გორის პედაგოგიური ინსტიტუტის ისტორიის ფაკულტეტის დეკანი; 1937-1939წწ. საქართველოს სსრ განათლების სახალხო კომისარი; 1939-1947წწ. ა. ს. პუშკინის სახელობის პედაგოგიური ინსტიტუტის დირექტორი და მარქსიზმ-ლენინიზმის კათედრის გამგე; 1953-1954 წწ. თბილისის სახელმწიფო უნივერსიტეტის რექტორი; 1954-1957წწ. საქართველოს კპ ცკ-თან არსებული პარტსკოლის პროფესორი; 1957 წლიდან საქართველოს პოლიტექნიკური ინსტიტუტის სკკპ ისტორიის, ხოლო 1968 წლიდან მეცნიერული კომუნიზმის კათედრის პროფესორი. ავტორია მონოგრაფიებისა მეცნიერული კომუნიზმის მნიშვნელოვანი საკითხების შესახებ. ისტორიის მეცნიერებათა დოქტორი (1950), პროფესორი (1950).

წყარო: საქართველო: ენციკლოპედია: ტ.I.–თბ., 1997.–გვ.508

• საქართველოს სსრ I-III მოწვევების უმაღლესი საბჭო, დეპუტატი

• 1962 - საქართველოს მეცნიერებათა დამსახურებული მოღვაწე
• საპატიო ნიშნის ორდენი

• ვ. ი. ლენინი ინტერნაციონალიზმისა და პატრიოტიზმის შესახებ (ავტორი). - თბილისი, საქ. სსრ საზ-ბა "ცოდნა", 1970. - 30გვ.
• ორ ფრონტზე იდეოლოგიური ბრძოლის ლენინური გზით (ავტორი). - თბილისი, საბჭ. საქართველო, 1961. - 67გვ.