ეკატერინე ბურჯანაძე

დაბადების ადგილი: ქ. თბილისი.

დაამთავრა თბილისის ქალთა გიმნაზია 1905 წელს.

მასწავლებლად მუშაობდა 40 წლის მანძილზე თბილისის საკვირაო, ქალთა საზოგადოების, მე–2 საქალაქო, მე–18 საშუალო და 53–ე საშუალო სკოლებში; თანამშრომლობდა ჟურნალ "ნაკადულში". მისი პედაგოგიური წერილები, მხატვრული მოთხრობები და თარგმანები იბეჭდებოდა ქართული ჟურნალ–გაზეთების ფურცლებზე; 1927 წლიდან თავის დასთან, ნინო ბოცვაძესთან ერთად მუშაობდა სასკოლო სახელმძღვანელოების შედგენაზე; 1944 წელს მათ იაკობ გოგებაშვილის "დედა ენის" საფუძველზე  შეადგინეს საშუალო სკოლის დაწყებითი კლასების ქართული ენის სახელმძღვანელო. საბავშვო მწერალი, მეთოდისტი, მთარგმნელი. მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.I.–თბ., 1997.–გვ. 509

• ქართველთა შორის წერა–კითხვის გამავრცელებელი საზოგადოება, საზოგადოების ნამდვილი წევრი (1916-)

• 1939 - საქართველოს დამსახურებული მასწავლებელი
• იაკობ გოგებაშვილის სახელობის მედალი

• დედა ენა : 1-ლი კლასისათვის (თანაავტორი) // ნაწ. 2 : ანბანის შემდეგ საკითხავი წიგნი. - თბილისი, განათლება, 1980. - 95გვ.
• დედა ენა : ანბანის შემდეგ საკითხავი წიგნი. 1-ლი კლასისათვის (თანაავტორი). - თბილისი, განათლება, 1971. - 127გვ.
• დედა ენა (თანაავტორი) // ნაწ. 1 : ანბანი : 1-ლი კლასის სახელმძღვ.. - თბილისი, განათლება, 1965. - 112გვ.