მიხეილ ბუზოღლი

დაბადების ადგილი: ქ. ბათუმი.

დაამთავრა საქართველოს სამშენებლო–საინჟინრო ინსტიტუტი 1932 წელს.

1933–1934წწ.მუშაობდა საქართველოს ჯანმრთელობის დაცვის სამინისტროს ი. კონიაშვილის სახელობის კურორტოლოგიისა და ფიზიოთერაპიის სამეცნიერო–კვლევითი ინსტიტუტის არქიტექტურულ დაგეგმარებით სექტორში, 1934–1938წწ. "მოსკოვპროექტის" მეორე სახელოსნოში, 1938–1941წწ. საქართველოს მეცნიერებათა აკადემიის საპროექტო სახელოსნო "აკადემპროექტში"; 1944 წლიდან იყო "ჰიდროპროექტის" თბილისის ფილიალის არქიტექტურული სექტორის ხელმძღვანელი. ძირითადი ნამუშევრებია: ჩითახევის (1950), სოხუმის (1950), შაორის (1956), გუმათის (1958) ჰიდროელექტროსადგურებისა და მათი მუშათა დასახლების არქიტექტურა. სანატორიუმები "საქართველო" (1956), "კავკასიონი" (1971) გაგრაში. "ივერია" წყალტუბოში და სხვ.

წყარო: საქართველო: ენციკლოპედია: ტ.I.–თბ., 1997.–გვ.490

• 1967 - საქართველოს დამსახურებული არქიტექტორი