თეიმურაზ გოჩიტაშვილი

დაბადების ადგილი: სიღნაღის რაიონი, სოფელი ბოდბე.

დაამთავრა საქართველოს პოლიტექნიკური ინსტიტუტის სამთო გეოლოგიური ფაკულტეტი 1969 წელს; ოქსფორდის ნავთობისა და ენერგეტიკული კვლევების კოლეჯი 1997 წელს.

1969 წელს მუშაობა დაიწყო საქართველოს მეცნიერებათა აკადემიის გ. წულუკიძის სახელობის სამთო მექანიკის ინსტიტუტში; 1989 წლიდან მთავარი მეცნიერ თანამშრომელია; 1992 წლიდან ხელმძღვანელობს სამთო სანტრანსპორტო სიტემების ჯგუფს; 1994 წლიდან არის რამდენიმე საერთაშორისო პროგრამის ექსპერტი სამთო მრეწველობასა და ენერგეტიკაში; 1996-2000წწ. იყო საქართველოს პარლამენტის დარგობრივი ეკონომიკური კომიტეტის წამყვანი სპეციალისტი; 2000-2006წწ. სამეცნიერო კოორდინატორი ენერგოეფექტურობის ცენტრში – "საქართველო"; 2003-2006წწ. დირექტორი ტექნოლოგიებისა და განვითარების დარგში – შპს "ჯეოინჟინირინგში"; 2001-2006წწ. ექსპერტ-კონსულტანტი საქართველოს ნავთობის საერთაშორისო კორპორაციაში; 2007-2013წწ. მუშაობდა საქართველოს ნავთობისა და გაზის კორპორაციაში სხვადასხვა თანამდებობაზე; 2013 წლიდან არის სტრატეგიული დაგეგმვისა და პროექტების დეპარტამენტის ხელმძღვანელი; ავტორია 200-ზე მეტი შრომის, მონოგრაფიის, ენერგეტიკული პროექტის, სამეცნიერო სტატიის; მეცნიერი სამთო მექანიკის, ენერგეტიკული რესურსებისა და მილსადენი ტრანსპორტის დარგში, ტექნიკურ მეცნიერებათა დოქტორი (1988), პროფესორი (1989).

წყარო: საქართველო: ენციკლოპედია: ტ.2. – თბ., 2012. – გვ.127

• მინერალური რესურსების საერთაშორისო აკადემია, წევრი (1997-)
• ნავთობის ეკონომიკის საერთაშორისო ასოციაცია, წევრი
• საქართველოს ეროვნული საინჟინრო აკადემია, ნამდვილი წევრი (1999-)
• საქართველოს მეცნიერებათა აკადემიის სამთო მექანიკის ინსტიტუტის აკადემიური საბჭო, წევრი
• საქართველოს ტექნიკური უნივერსიტეტის სერტიფიკაციის სამეცნიერო საბჭო, წევრი
• სს "თბილგაზი" სამეთვალყურეო საბჭო, თავმჯდომარე

• საქართველოს ენერგეტიკა. გაზის სექტორის განვითარების პრიორიტეტები (ავტორი). - თბილისი, "მერიდიანი", 2012. - 70გვ.. - ISBN: 978-9941-10-665-1
• საქართველოს მაგისტრალური ნავთობ- და გაზსადენები : მონოგრაფია (თანაავტორი) // ნაწ. 1 : მაგისტრალური მილსადენების ფუნქციონირების ტექნოლოგიური, ეკონომიკური, სამართლებრივი და გეოპოლიტიკური ასპექტები. ნაწ. 2 : მაგისტრალური მილსადენების დაპროექტებისა და მშენებლობის საფუძვლები. - თბილისი, "მერიდიანის", 2012
• ბუნებრივი გაზის მიწოდების ახალი მარშრუტები და თანამედროვე ტექნოლოგიები = NG new supply chains and modern technologies (ავტორი). - თბილისი, 2004. - 130გვ.