გია ყანჩელი

დაბადების ადგილი: ქ. თბილისი.

დაამთავრა თბილისის სახელმწიფო კონსერვატორია 1963 წელს.

1972-1990 წწ. იყო რუსთაველის თეატრის მუსიკალური ნაწილის ხელმძღვანელი; 1991-1992 წწ. გერმანიის აკადემიური გაცვლითი სამსახური (DAAD), 1995-1996 წწ. ანტვერპენის სიმფონიური ორკესტრის მიწვეული კომპოზიტორი; განსაკუთრებულად აღსანიშნავია მისი სიმფონიური თხზულებები. 1977 წელს შექმნილმა სიმფონიამ "ინ მემორია მიქელანგელო", მას საერთაშორისო აღიარება მოუტანა; ნაყოფიერად თანამშრომლობდა რუსთაველის თეატრთან. მის შემოქმედებით მემკვიდრეობას განეკუთვნება: ოპერა "და არს მუსიკა" (1983), 6 სიმფონია, კონცერტი სიმფონიური ორკესტრისათვის (1962); ლარგო და ალლეგრო სიმებიანი ორკესტრის, ფორტეპიანოსა და ლიტავრებისათვის (1963); "სევდა ნათელი" – ბიჭუნათა გუნდის, ორი სოლისტისა და დიდი სიმფონიური ორკესტრისათვის (1985); მუსიკა სპექტაკლებისთვის: "ხანუმა", "კავკასიური ცარცის წრე", "რიჩარდ III" (შოთა რუსთაველის თეატრის დადგმები); მუსიკა კინოფილმებისთვის: "არ დაიდარდო", "ქვევრი", "არაჩვეულებრივი გამოფენა", "მიმინო", "შერეკილები", "რამდენიმე ინტერვიუ პირად საკითხებზე", "როცა აყვავდა ნუში" და სხვ. მიღებული აქვს პრიზი "ნიკა", კინომუსიკისათვის (1987).

წყარო: ვინ ვინაა საქართველოში: ქართული ბიოგრაფიული ცნობარი. –  თბ., - 1998-1999. - გვ. 336; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.264; პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.138 

• საქართველოს კომპოზიტორთა კავშირი, I მდივანი (1984-1989)

• 2011 - ილიას მედალი, "მარად და ყველგან, საქართველოვ, მე ვარ შენთანა"
  ქართული კულტურისა და სულიერების წინაშე განსაკუთრებული ღვაწლისათვის
• 1995 - ღირსების ორდენი
• 1988 - სსრკ სახალხო არტისტი
• 1981 - საქართველოს სახელმწიფო პრემია
• 1981 - შოთა რუსთაველის სახელობის სახელმწიფო პრემია
• 1977 - სსრკ სახელმწიფო პრემია
• საქართველოს სახალხო არტისტი