დავით გოცაძე

დაბადების ადგილი: ქ. ქუთაისი.

დაამთავრა მოსკოვის ნ. პიროგოვის სახელობის II სამედიცინო ინსტიტუტი 1976 წელს.

1976-1978 წწ. იყო ონკოლოგიის საკავშირო სამეცნიერო ცენტრის ორდინატორი ონკოლოგია-ქირურგიის დარგში; 1978-1981 წწ. ამავე ცენტრის კლინიკური ასპირანტი ონკოლოგიის დარგში; 1982-1985 წწ. რუსეთის საკავშირო ონკოლოგიის სამეცნიერო ცენტრის უროლოგიური განყოფილების მეცნიერ მუშაკი; 1986 წლიდან მუშაობდა საქართველოს ონკოლოგიის სამეცნიერო ცენტრის უროლოგიის განყოფილებაში უფროს მეცნიერ თანამშრომლად, შემდეგ განყოფილების გამგედ, 2004 წლიდან არის ონკოლოგიის ეროვნული ცენტრის უროლოგიის განყოფილების კონსულტანტი; ავტორია მრავალი სამეცნიერო ნაშრომის; ონკოლოგ–ქირურგი, მედიცინის მეცნიერებათა დოქტორი (1992).

წყარო: საქართველო: ენციკლოპედია: ტ.2. – თბ., 2012. – გვ.128; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.180

• ონკოლოგიის ეროვნული ცენტრის სამეთვალყურეო საბჭო, წევრი (2004-)

• 2004 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1998-2000 წლებში შესრულებულ შრომათა ციკლისათვის - "შარდის დერივაციისა და ენტეროცისტოპლასტიკის ახალი მიმართულებები - ხელოვნური შარდისბუშტის ფორმირება ნაწლავის დეტუბულირებული სეგმენტით"