ედმონდ კალანდაძე

დაბადების ადგილი: სოფელი ხიდისთავი, ჩოხატაურის რაიონი.

დაამთავრა თბილისის სამხატვრო აკადემია 1952 წელს.

1972-1986 წწ. თბილისის სამხატვრო აკადემიის პროფესორი. 1991-1992 წწ. კულტურის მინისტრი. საქართველოს სამუზეუმეო გაერთიანებასთან არსებული სახვითი ხელოვნების თეორიისა და პრაქტიკის სინთეზის სახელოსნოს ხელმძღვანელი (1986). გამოფენები ჰქონდა გერმანიაში, ავსტრიაში, საფრანგეთში, ლუქსემბურგში, ბრაზილიაში, თურქეთში, რუსეთსა და საქართველოში. მოსკოვის საერთაშორისო ფესტივალის ლაურეატი. მისი ნამუშევრები დაცულია: საქართველოს საპატრიარქოში, ეროვნულ მუზეუმში, ტრეტიაკოვის გალერეაში (მოსკოვი, რუსეთი), აღმოსავლეთის ხალხთა ხელოვნების მუზეუმში (მოსკოვი, რუსეთი), ხელოვნების ნაციონალური მუზეუმი (ბუენოს-აირესი, არგენტინა), ხელოვნების მუზეუმი (სტამბული, თურქეთი); კერძო კოლექციები - საქართველო, ავსტრია, ახალი ზელანდია, აშშ, გერმანია, საფრანგეთი, საბერძნეთი, რუსეთი, ესპანეთი, უკრაინა, დიდი ბრიტანეთი, შვეიცარია. გადაღებულია რეჟისორ შოთა კალანდაძის ფილმებში: "ხელოვანთა კადრები" (2005), "კინოლექსი ედმონდ კალანდაძეზე" (2010), "მხატვრის მუზები" (2014). ფერმწერი, გრაფიკოსი.

წყარო: ვინ ვინაა საქართველოში: ქართული ბიოგრაფიული ცნობარი. -თბ., 1996-97. -გვ.103; ახალი და უახლესი ქართული ვიზუალური ხელოვნების პორტალი: art.gov.ge; ეროვნული ფილმოგრაფია: geocinema.ge

• საქართველოს სახალხო მხატვარი
• შოთა რუსთაველის სახელობის სახელმწიფო პრემია