არკადი გოცირიძე

დაბადების ადგილი: ამბროლაურის რაიონი, სოფელი წესი.

დაამთავრა კიევის უნივერსიტეტის სამედიცინო ფაკულტეტი 1915 წელს.

1931-1936წწ. იყო თბილისის ფუნქციურ ნერვულ დაავადებათა ინსტიტუტის დირექტორი; 1934-1954წწ. განაგებდა თბილისის სამედიცინო ინსტიტუტის ფსიქიატრიის კათედრას; იკვლევდა ბავშვთა ფსიქიატრიის საკითხებს, ნერვოზებს, ფუნქციურ ნერვულ დაავადებებს; შეიმუშავა მკურნალობის მეთოდი, რომელიც "გოცირიძის სიმპტომის" სახელითაა შესული ფსიქიატრიულ ენციკლოპედიაში; მისი სახელი აქვს მინიჭებული თბილისის ფსიქონერვოლოგიურ დისპანსერსა და მის კოჯრის სტაციონარს; ფსიქიატრი, მედიცინის მეცნიერებათა დოქტორი (1941), პროფესორი (1941).

წყარო: საქართველო: ენციკლოპედია: ტ.2. – თბ., 2012. – გვ.129

• 1946 - საქართველოს მეცნიერებათა დამსახურებული მოღვაწე

• ბავშვის თამაში (ავტორი). - ტფილისი, სახელგამის სამეცნიერო სექტ. გა-მა და მე-2 სტ., 1936. - 34გვ.
• ბავშვის განვითარება : ძირითადი მოვლენები და კონცეპციები (ავტორი). - ტფილისი, სახელგამის სამეცნიერო სექტორი, 1935. - 62გვ.
• ფსიქოგენია და იატროგენია ნერვიულ და ფსევდოორგანიულ დაავადებებში (ავტორი). - ტფილისი, 1929. - 34გვ.
• ექვსი წლის ისტერიული ფსიქოზი, მუტიზმით და კონტრაქტურებით-განკურნებული ფსიქო-ტერაპიის საშუალებით (ავტორი). - ტფილისი, 1926. - 15გვ.