თეიმურაზ ქურხული

დაბადების ადგილი: ქ. საგარეჯო.

დაამთავრა სახელმწიფო პოლიტექნიკური ინსტიტუტი 1978 წელს, 1991 წელს თბილისის სახელმწიფო უნივერსიტეტი.

1978-1981წწ., 1985-1987წწ. იყო "საქქალაქმშენსახპროექტის" ინჟინერ-კონსტრუქტორი; 1987-1988წწ. უფროსი ინჟინერი; 1988-1990წწ. "თბილქალაქმშენის" სმკ N4 მთავარი ინჟინრის მოადგილე; 1990-1992წწ. კარკასულ-პანელოვანი ქარხნის დირექოტრი; 1992-1994წწ. შპს "ოლიმპიკორპ-კონსტრაქრმშენის" გენერალური დირექტორი; 1994-1997წწ. სმკ "ლილოს" მშენებარე კომბინატის დირექტორი; 1997-1998წწ. თბილისის კრწანისის რაიონის საგადასახადო ინსპექციის უფროსი; 1998 წლიდან სამგორის რაიონის გამგებელი; არის 7 სამეცნიერო სტატიის ავტორი; მიღებული აქვს სახელმწიფო ჯილდოები; ტექნიკის მეცნიერებათა კანდიდატი. 

საკანდიდატო დისერტაციის თემა - "კომბინირებული სივრცითი დაბურვები", დაიცვა 1985 წელს.

წყარო: ვინ ვინაა საქართველოში: ქართული ბიოგრაფიული ცნობარი. - თბ., 1998-1999. - გვ.332; საქართველოს არქიტექტორთა და მშენებელთა ენციკლოპედია. - თბ., 2017.-გვ.580

• ღირსების ორდენი