ვახტანგ ქუთათელაძე

დაბადების ადგილი: დაბა აბასთუმანი.

დაამთავრა სახელმწიფო პოლიტექნიკური ინსტიტუტის საწარმოო დანადგარების ავტომატიზაციის ფაკულტეტი 1977 წელს. 1980 წლიდან მუშაობდა უშიშროების სამინისტროს სხვადასხვა თანამდებობაზე; 1994-1998წწ. სახელმწიფო დაცვის სპეციალური სამსახურის უფროსი; 1998-2001წწ. საქართველოს უშიშროების მინისტრი; 2001 წლის 31 ოქტომბერს გამართულ საქართველოს ეროვნული უშიშროების საბჭოს სხდომაზე მან გადადგომის თაობაზე განაცხადა; გავრცელებული ინფორმაციით მისი გადადგომა დაკავშირებული იყო დამოუკიდებელი ტელეკომპანია "რუსთავი-2"-ის ოფისში 30 ოქტომბერს სახელმწიფო უშიშროების სამინისტროს თანამშრომელთა შესვლისა და ფინანსური დოკუმენტაციის ამოღების მცდელობის გამო; პრეზიდენტმა ვ. ქუთათელაძის განცხადება დააკმაყოფილა; 1996-2004წწ. იყო საქართველოს სროლის სახეობათა ეროვნული ფედერაციის პრეზიდენტი; 2001 წლის შემდეგ დასაქმებული იყო კერძო ბიზნესში; გენერალ-ლეიტენანტი.

წყარო: ვინ ვინაა საქართველოში: ქართული ბიოგრაფიული ცნობარი. - თბ, – 1998-1999. - გვ. 331; XX საუკუნის საქართველოს შინაგან საქმეთა და უშიშროების მინისტრები /თუშურაშვილი ო., ჯახუა ი. - თბ., 2013. - გვ.132-133; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.289

• 1998 - ვახტანგ გორგასლის III ხარისხის ორდენი
  1998 წლის 9 თებერვალს ქ. თბილისში განხორციელებული ტერორისტული აქტის დროს გამოჩენილი მამაცობის, თავდადებისა და გაბედული მოქმედებისათვის