სოსო ქოიავა

დაბადების ადგილი: ქ. აბაშა.

დაამთავრა თბილისის სახელმწიფო სამხატვრო აკადემია ქანდაკების სპეციალობით.

1959-1964წწ. იყო თბილისის მ. თოიძის სახელობის პროფტექნიკური სასწავლებლის პედაგოგი, 1964-1974წწ. დირექტორის მოადგილე; 1973-1979წწ. დირექტორი; 1979-1988წწ. თბილისის სახელმწიფო სამხატვრო აკადემიის ლითონის მხატვრული დამუშავების კათედრის გამგე; 1989-1992წწ. პრორექტორი სასწავლო დარგში, 1993-2003წწ. რექტორი. მუშაობს ქანდაკებაზე და ჭედურ ხელოვნებაში; არის ავტორი ქმნილებებისა: "ჩაის პლანტაცია (ჭედური, ტრეტიაკოვის გალერეა, მოსკოვი), "აღორძინება" (ქანდაკება, ქუთაისი), "საქართველოს სიუხვე და ხელოვნება" (რელიეფური პანო, "მეტროს სადგური 2") და სხვ. მონაწილეობდა ჯგუფურ გამოფენებში 36 ქვეყანაში, 1994 და 1997წწ. ჰქონდა პერსონალური გამოფენები. მიღებული აქვს სახელმწიფო ჯილდოები, მათ შორის მინისტრთა საბჭოს "ხუთწლედის მატიანეს" პრემია.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ.329; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.281

• საქართველოს პედაგოგიურ მეცნიერებათა აკადემია, აკადემიკოსი (1998-)

• 1998 - ღირსების ორდენი
  ქართული სახვითი ხელოვნების განვითარებაში, მის პოპულარიზაციაში შეტანილი პირადი დიდი წვლილისა და ნაყოფიერი პედაგოგიური მოღვაწეობისათვის
• საქართველოს კომკავშირის პრემია
• საქართველოს დამსახურებული მხატვარი