გიორგი გოცირიძე

დაბადების ადგილი: ქ. განჯა, აზერბაიჯანი.

დაამთავრა თბილისის პოლიტექნიკური ინსტიტუტის მექანიკური ფაკულტეტი, სპეციალობით ინჟინერ-მექანიკოსი 1923 წელს.

მუშაობდა საქართველოს "მეტალოტრესტის" საწარმოებში; 1935 წლიდან - თბილისის 26 კომისრის სახელობის ქარხნის მთავარი ინჟინერი; 1945-1959წწ. - საქართველოს პოლიტექნიკური ინსტიტუტის ლითონსაჭრელი ჩარხების კათედრის გამგე. მის მიერ შემუშავებული ამძრავების კინემატიკური გაანგარიშების განზოგადებულ მეთოდსა და ფორმულებს იყენებდნენ სამეცნიერო კვლევითი ინსტიტუტები, საპროექტო–საკონსტრუქტორო ორგანიზაციები და ჩარხსაშენებელი ქარხნები; მიღებული აქვს სახელმწიფო ჯილდოები. საქართველოში დაზგათმშენებლობის ერთ-ერთი დამფუძნებელი. ტექნიკის მეცნიერებათა დოქტორი (1955), პროფესორი (1957).

წყარო: საქართველო: ენციკლოპედია: ტ.2. – თბ., 2012. – გვ.129; საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.208