გრიგოლ ბუაჩიძე

დაბადების ადგილი: ხარაგაულის რაიონი(შორაპნის მაზრა), სოფელი ფარცხნალი.

დაამთავრა ალექსანდრე პუშკინის სახელობის პედაგოგიური ინსტიტუტის ბიოლოგიის ფაკულტეტი 1956 წელს.

1939 წელს გაიწვიეს წითელ არმიაში; II მსოფლიო ომის დროს იბრძოდა სტალინგრადთან, ხარკოვთან, კრემენჩუგთან; მონაწილეობდა კიშინიოვ–იასის ოპერაციაში, რუმინეთის, ჩეხოსლოვაკიის, უნგრეთის და ავსტრიის  განთავისუფლებისათვის ბრძოლებში. 1946–1954წწ. მუშაობდა ზესტაფონის ფეროშენადნობთა ქარხნის კადრების განყოფილების უფროსად, 1955 წლიდან  რუსთავის ქიმიურ კომბინატში ოსტატად. 

წყარო: საქართველო: ენციკლოპედია: ტ.I.–თბ., 1997.–გვ.487; warheroes.ru

• 1943 - საბჭოთა კავშირის გმირი, მდინარე დნეპრის გადალახვისათვის და მარჯვენა ნაპირზე პლაცდარმის გამაგრების დროს გამოჩენილი მამაცობისათვის
• წითელი ვარსკვლავის ორდენი
• ლენინის ორდენი
• წითელი დროშის ორდენი