გურამ ქაშაკაშვილი

დაბადების ადგილი: ქ. ბაღდათი.

დაამთავრა საქართველოს პოლიტექნიკური ინსტიტუტის მეტალურგიის ფაკულტეტი 1956 წელს.

1956-1958წწ. იყო რუსთავის მეტალურგიული ქარხნის მარტენის საამქროს ჩამომსხმელი, ოსტატი, უბნის უფროსი; 1958-1969წწ. საამქროს უფროსის თანაშემწე; 1969-1979წწ. მარტენის საამქროს უფროსი; 1979-1983წწ. ზესტაფონის ფეროშენადნობთა ქარხნის დირექტორი; 1983-1994წწ. რუსთავის მეტალურგიული ქარხნის დირექტორი; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: საქართველოს ერთიანი კომუნისტური პარტია, საარჩევნო ფორმა: პარტიული სიით; 1994 წლიდან სამთო მეტალურგიული კონცერნის პრეზიდენტი; 1995-1999წწ. საქართველოს მე-4 მოწვევის პარლამენტის წევრი, საარჩევნო ფორმა: მაჟორიტარული, მაჟორიტარი რუსთავის №3 საარჩევნო ოლქიდან. არის 140-ზე მეტი სამეცნიერო ნაშრომის (5 მონოგრაფია), 65 გამოგონების ავტორი. მიღებული აქვს საქართველოს უმაღლესი საბჭოს პრეზიდიუმის საპატიო სიგელი (1964, 1982), დამსახურებული გამომგონებლის წოდება (1986). ტექნიკის მეცნიერებათა დოქტორი.

სადოქტორო დისერტაციის თემა - "ლითონის ღუმელგარეშე დამუშავების უწყვეტი ჩამოსხმის სრულყოფა, ზემტკიცე მილების წარმოება", დაიცვა 1990 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 326;  საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.65; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.337; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.283

• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის დარგობრივი ეკონომიკის კომიტეტი, წევრი (1995-1999)
• საქართველოს მე-4 მოწვევის პარლამენტის ფრაქცია "იმედი", წევრი (1995-1999)
• საქართველოს მოქალაქეთა კავშირი, წევრი
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს საინჟინრო აკადემია, წევრი
• უკრაინის საინჟინრო აკადემია, წევრი

• 1999 - ღირსების ორდენი
  მეტალურგიის დარგის მაღალკვალიფიციური საინჟინრო კადრების აღზრდა-განათლებაში, წარმოებაში მოწინავე ტექნოლოგიური სიახლეების დანერგვაში შეტანილი პირადი დიდი წვლილისა, ნაყოფიერი სამეცნიერო და საზოგადოებრივი მოღვაწეობისათვის
• 1990 - საქართველოს სახელმწიფო პრემია
• 1988 - საქართველოს სახელმწიფო პრემია, მეცნიერებისა და ტექნიკის დარგში
  1988-1993 წლებში შესრულებული ნაშრომისათვის -''ალუნიმინთერმული მეთოდით საწარმოო ნარჩენებისგან ფეროსილიკოალუმინის კომპლექსური შენადნობის მიღებისა და ფოლადის განჟანგვის პროცესში მისი გამოყენების ტექნოლოგიის დანერგვა''.
• 1983 - ლენინის ორდენი
• 1975 - შრომის წითელი დროშის ორდენი
• 1974 - საქართველოს დამსახურებული ინჟინერი

• საქართველოს ინდუსტრიალიზაციის მესაძირკვლენი თერგდალეული მეტალურგები გიორგი ნიკოლაძე, ნიკოლოზ ქაშაკაშვილი 125 = Основатели индустриялизации Грузии Георгий Николадзе, Николай Кашакашвили 125 : საიუბილეო კრებული (რედაქტორი). - თბილისი, 2014. - 600გვ.
• ოქროსფერი შემოდგომა გრძელდება : გურამ ქაშაკაშვილი, 75 : საიუბილეო კრებული (ავტორი). - თბილისი, 2007. - 629გვ.
• მეტალურგიის ტერმინოლოგიური ლექსიკონი : 9200 ტერმინი : ქართულ-რუსულ-ინგლისურ-გერმანულ-ფრანგული (რედაქტორი). - თბილისი, მეცნიერება, 1999. - 752გვ.. - ISBN: 99928-51-87-2
• გამოგონებათა დაპატენტების საფუძვლები (თანარედაქტორი). - თბილისი, 1996. - 384გვ
• ფოლადის ცხლადნაგლინი უნაკერო მილების დეფექტების ატლასი (თანაავტორი). - თბილისი, საქართველო, 1991. - 142გვ.