მარეხ გოძიაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1948 წელს.

1953 წლიდან იყო საქართველოს ფილარმონიის სოლისტი; ამავე წელს დაარსდა ვოკალურ–საკრავიერი ტრიო, რომელსაც დიდხანს ხელმძღვანელობდა; არის მრავალი სიმღერის პირველი შემსრულებელი; დიდი წვლილი მიუძღვის ქართული ქალაქური სიმღერის პროპაგანდაში; მართავდა კონცერტებს სსრკ ქალაქებსა და საზღვარგარეთ; მის მიერ შესრულებული სიმღერებიდან პოპულარობით სარგებლობდა – შ. მილორავას "ყვავილებში დამეკარგე", "შემირიგდი", გ. ცაბაძის "გამოღმით შენ ხარ", მისი საკუთარი "წაღვერი და თბილისი" და "მაგნოლია" (ა. თევზაძისა და ი. ნონეშვილის ლექსებზე). 1957 წელს მოსკოვის ახალგაზრდობისა და სტუდენტთა VI  და 1959 წლის ვენის ახალგაზრდობისა და სტუდენტთა VII მსოფლიო ფესტივალის ლაურეატი.

წყარო: საქართველო: ენციკლოპედია: ტ.2. – თბ., 2012. – გვ.131; საქართველოს ნეკროპოლო: georgianencyclopedia.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.186

• 2010 - თბილისის საპატიო მოქალაქე
• 1998 - ღირსების ორდენი
  ქართული საესტრადო ხელოვნების განვითარების, მისი პოპულარიზაციის საქმეში შეტანილი პირადი დიდი წვლილისა და ნაყოფიერი შემოქმედებითი მოღვაწეობისათვისთვის
• 1968 - საქართველოს სახალხო არტისტი