ნიკოლოზ გოძიაშვილი

დაბადების ადგილი: ქ. თბილისი.

დაამთავრა ქართული დრამატული სტუდია მოსკოვში 1926 წელს.

1917 წლიდან დაიწყო სასცენო მოღვაწეობა ბათუმში; 1918 წლიდან მსახიობად მუშაობდა თბილისის მუშათა თეატრში, სოხუმის, ჭიათურის, თეატრებში; მუშაობდა რეჟისორად და მსახიობად ქუთაისის და ბათუმის თეატრებში; 1932-1935წწ. თბილისის კოტე მარჯანიშვილის სახელობის თეატრში; 1936-1947წწ. ხელმძღვანელობდა ფოთის თეატრს; 1948-1956წწ. იყო თბილისის სანკულტურის თეატრის რეჟისორი; 1956-1958წწ. მუშაობდა ქუთაისის ლ. მესხიშვილის სახელობის თეატრის მთავარ რეჟისორად; 1923-1930წწ. იყო თბილისის ესტრადის თეატრის ხელმძღვანელი და რეჟისორი; 1935-1936წწ. ბათუმის მუშა–ახალგაზრდობის თეატრის რეჟისორი; დადგმული აქვს უამრავი სპექტაკლი, მათ შორის: სოფოკლეს "ოიდიპოს მეფე" (ფოთის თეატრი), კ. გულცკოვის "ურიელ აკოსტა"(ფოთის თეატრი), თ. სვანის "სვანეთის მთები" (თბილისის სანკულტურის თეატრი), დ. თაქთაქიშვილის "შარავანდედი" (ქუთაისის ლ. მესხიშვილის სახელობის თეატრი), გ. ქელბაქიანის "ხმა გულისა" (ქუთაისის ლ. მესხიშვილის სახელობის თეატრი).

წყარო: საქართველო: ენციკლოპედია: ტ.2. – თბ., 2012. – გვ.132

• 1941 - საქართველოს ხელოვნების დამსახურებული მოღვაწე