უშანგი გოჯიაშვილი

დაბადების ადგილი: დაბა თიანეთი.

დაამთავრა თბილისის პოლიტექნიკური ინსტიტუტი 1957 წელს.

1957-1965წწ. მუშაობდა დონბასში (უკრაინა) შახტების მშენებლობაზე; 1965-1986წწ. ენგურჰესის მშენებლობაზე; 1981-1986წწ. იყო ენგურჰესის მშენებლობის სამმართველოს მთავარი ინჟინერი; 1986-1988წწ. საქართველოს საავტომობილო გზების მინისტრის მოადგილე; 1988-1997წწ. "თბილმეტრომშენის" გენერალური დირექტორი; 1997-2000წწ. "თბილმეტრომშენის" უფროსის მოადგილე და "თბილმეტრომშენის" ეკატერინბურგის ფილიალის ხელმძღვანელი; 2000-2003წწ. მუშაობდა ქ. სოჭში N44 საგვირაბო რაზმის მთავარ ინჟინრად; 2003 წლიდან იყო ამავე რაზმის მთავარი ტექნოლოგი და გენერალური დირექტორის მრჩეველი; მიღებული აქვს სახელმწიფო ჯილდოები: სსრკ მინისტრთა საბჭოს პრემია (1988), რუსეთის ფედერაციის სატრანსპორტომშენებლობის საპატიო მედალი (2003). სამთო ინჟინერი, ტექნიკურ მეცნიერებათა კანდიდატი (1973). ავტორი 8 გამოგონების, ზოგი მადგანი დაინერგა ენგურჰესის მშენებლობაზე. გამოქვეყნებული აქვს 20-მდე სამეცნიერო ტექნიკური ხასიათის სტატია.

წყარო: საქართველო: ენციკლოპედია: ტ.2. – თბ., 2012. – გვ.133; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.122;  საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.91-92

• 1997 - ღირსების ორდენი
• 1993 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  სახელმძღვანელოს შექმნისათვის "შახტა-ლაბორატორია: უმაღლესი სკოლის სასწავლო-საწარმოო ბაზის ახალი ფორმა"
• 1976 - საქართველოს დამსახურებული ინჟინერი