ლუბა ბოჭორიშვილი

დაბადების ადგილი: სოფელი ბუშეტი, თელავის რაიონი. 

დაამთავრა თბილისის სახელმწიფო უნივერსიტეტის ისტორიის ფაკულტეტი 1935 წელს.

მუშაობდა ენის, ისტორიისა და მატერიალური კულტურის ინსტიტუტის ეთნოგრაფიულ განყოფილებაში; ნაშრომში "ქართული კერამიკა", წამოაყენა დებულება ქართული ხალხური კერამიკის ტიპოლოგიური ერთიანობისა და მისი ძველი ქართული მეთუნეობის კულტურიდან მომდინარეობის შესახებ; დაადგინა ამ კულტურის უშუალო კავშირი ჩრდილოეთ კავკასიასა და წინა აზიის ანალოგიურ კულტურებთან. აღსანიშნავია მისი წვლილი ქართული ხალხური კოსტიუმისა და ხალხური ოქრომჭედლობის შესწავლაში, ქართველი ხალხის სამეურნეო ყოფის და ისტორიული ეთნოგრაფიის პრობლემების კვლევაში.

წყარო: საქართველო: ენციკლოპედია: ტ.I.–თბ., 1997.–გვ.475