აბესა ბოლქვაძე

გურიის აჯანყების ერთ–ერთი ხელმძღვანელი, სააბატო აზნაური; მისი ხელმძრვანელობით აჯანყებულთა ერთმა რაზმმა 9 აგვისტოს დაამარცხა აჯანყების ჩასახშობად გაგზავნილი პოლკოვნიკ ბრუსლიოვის ჯარის ნაწილი. გამარჯვებულთა ერთი ჯგუფი თავს დაესხა ჩოლოქის საგუშაგოს, მეორე–გურიანთისაკენ მიმავალ ტრანსპორტს. ამ ბრძოლაში გამარჯვებამ ხელი შეუწყო აჯანყების გაფართოებას; 20–23 აგვისტოს მონაწილეობდა სამეგრელოს მთავრის დავით დადიანის მილიციის წინააღმდეგ ბრძოლაში სოფელ გრიგოლეთთან. ოზურგეთთან ბრძოლის დროს სასიკვდილოდ დაიჭრა.

წყარო: საქართველო: ენციკლოპედია: ტ.I.–თბ., 1997.–გვ.460