ესტატე ბოსლეველი

დაბადების ადგილი: სოფელი სვირი, ზესტაფონის რაიონი. 

სწავლობდა ქუთაისის და თბილისის სასულიერო სემინარიებში.

მუშაობდა გაბრიელ ეპისკოპოსის კანცელარიაში მდივნად; 1874 წლიდან იბეჭდებოდა "ივერიასა"და "დროებაში"; 1882–1883წწ. იყო ქუთაისის გაზეთ "შრომის" თანამშრომელი. ავტორია "ქუთათური ფელეტონებისა", სადაც აშუქებდა ქუთაისის საზოგადოებრივ–კულტურულ ცხოვრებას. კრიტიკულ–პუბლიცისტური წერილებში ეხება ეკონომიკის საკითხებსაც. 80–იანი წლების დასაწყისში აქტიურად მონაწილეობდა ქართული პრესის ფურცლებზე ეკონომიკისა და პოლიტიკის ურთიერთობის საკითხებზე გამართულ დისკუსიებში. 

წყარო: საქართველო: ენციკლოპედია: ტ.I.–თბ., 1997.–გვ.469; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.129

• ნაწერები (ავტორი). - თბილისი, თბილ. უნ-ტის გამ-ბა და სტ.,, 1961. - 468გვ.