ნუგზარ სხირტლაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1985 წელს.

1986-1996წწ. საქართველოს იუსტიციის სამინისტროს კანონთა წიგნის მომზადების რედაქციის რედაქტორი, სამინისტროს უფროსი კონსულტანტი, მთავარი კონსულტანტი, კანონმდებლობის სისტემატიზაციის განყოფილების უფროსი; 1996-1998წწ. საქართველოს სახელმწიფო კანცელარიაში - საქართველოს პრეზიდენტის პარლამენტთან ურთიერთობისა და კანონშემოქმედებითი საქმიანობის სამსახურის სახელმწიფო მრჩეველი; 1998-1999წწ. თბილისის სააპელაციო სასამართლოს მოსამართლე; 1999 წლის მაისი-ივლისი თბილისის საოლქო სასამართლოს მოსამართლე; 1999 წლის 20 ივლისიდან საქართველოს უზენაესი სასამართლოს მოსამართლე; 2009 წლის 20 ივლისიდან განმეორებითი ვადით არჩეულია უზენაესი სასამართლოს მოსამართლედ. არის ზოგადი ადმინისტრაციული სამართლის და ადმინისტრაციული საპროცესო სამართლის სახელმძღვანელოების თანაავტორი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 305; საქართველოს უზენაესი საქართველო: supremecourt.ge