გიორგი სიბაშვილი

დაბადების ადგილი: სოფელი ვეჯინი, გურჯაანის რაიონი.

დაამთავრა აგრარული უნივერსიტეტის სატყეო-საინჟინრო ფაკულტეტი 1993 წელს; თბილისის ივანე ჯავახიშვილის სახელმწიფო უნივერსიტეტის იურიდიული ფაკულტეტი 2000 წელს; თბილისის ივანე ჯავახიშვილის სახელმწიფო უნივერსიტეტის იურიდიული ფაკულტეტის ასპირანტურა 2003 წელს. დამატებითი კვალიფიკაცია: 2000-2001 წწ. ევროპის საბჭოს ეგიდით ორგანიზებული სასწავლო კურსი "დემოკრატიული ინსტიტუტები და სამოქალაქო საზოგადოება" - თბილისის პოლიტიკური სწავლების სკოლა; პროკურატურის მუშაკთა საკვალიფიკაციო გამოცდა (2004); ადვოკატთა საკვალიფიკაციო გამოცდა საერთო სპეციალიზაციით (2005); მოსამართლეობის საკვალიფიკაციო გამოცდა საერთო სპეციალიზაციით (2006).

1987-1989 წწ. იყო გურჯაანის რაიონის ვეჯინის სანერგე მეურნეობის მუშა, ბრიგადირი; 1995-1996 წწ. გურჯაანის რაიონის გამგეობის საორგანიზაციო განყოფილების უფროსი სპეციალისტი, საორგანიზაციო განყოფილების გამგე, შრომის, სოციალური დაცვის და დემოგრაფიის განყოფილების გამგე; 1996-1997 წწ. გურჯაანის რაიონის გამგეობის თავმჯდომარის მოადგილე; 1997-1998 წწ. გურჯაანის რაიონის გამგეობის თავმჯდომარის პირველი მოადგილე, აპარატის უფროსი; 1998-2002 წწ. გურჯაანის რაიონის გამგებელი; 2000-2002 წწ. თბილისის ივანე ჯავახიშვილის სახელობის სახელმწიფო უნივერსიტეტის კახეთის ფილიალის იურიდიული ფაკულტეტის სამართალმცოდნეობის კათედრის ლექტორი (ქ. სიღნაღი); 2002-2004 წწ. საქართველოს იუსტიციის სამინისტროს იუსტიციის სასწავლო ცენტრის დირექტორის პირველი მოადგილე (ქ. თბილისი); 2004-2008 წწ. იურიდიული კომპანია "ბარისტერი" დირექტორი, მუდმივმოქმედი არბიტრაჟის თავმჯდომარე, ადვოკატი, ადვოკატთა ასოციაციის წევრი (ქ. თბილისი); 2008 -2013 წწ. სახელმწიფო რწმუნებულის – გუბერნატორის პირველი მოადგილე კახეთის მხარეში (ქ. თელავი); 2013 წელს პარლამენტთან ურთიერთობისა და კანონშემოქმედების სამსახურის მთავარი სპეციალისტი საქართველოს პრეზიდენტის ადმინისტრაციაში; 2013 წლიდან შპს იურიდიული კომპანიის "GS&Barristers" მმართველი პარტნიორი, ადვოკატი, დირექტორი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 298

• 2013 - ბრწყინვალების საპრეზიდენტო ორდენი
• 2010 - ღირსების ორდენი