ნანა ბურკაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1968 წელს.

1968–1971წწ. იყო საქართველოს ჯანდაცვის სამინისტროს თერაპიის სამეცნიერო კვლევითი ინსტიტუტის ასპირანტი; 1971–1972წწ. ამავე ინსტიტუტის ექიმი–ორდინატორი; 1972 წლიდან აკადემიკოს მ. წინამძღვრიშვილის სახელობის კარდიოლოგიის სამეცნიერო კვლევითი ინსტიტუტის უმცროსი, უფროსი მეცნიერ–თანამშრომელი; 1985 წლიდან ხელმძღვანელობს ამავე ინსტიტუტის პროფილაქტიკური კარდიოლოგიის განყოფილებას. ავტორია 128 სამეცნიერო ნაშრომის კარდიოლოგიის, კარდიოიმუნოლოგიისა და პრევენციის პრობლემებზე და ერთი მონოგრაფიის. ექიმი-კარდიოლოგი, მედიცინის მეცნიერებათა დოქტორი (1998), პროფესორი

საკანდიდატო დისერტაციის თემა - "მემკვიდრეობა და გარემოს როლი არტერიული ჰიპერტონიისა და გულის იშემიური დაავადების განვითარებაში", დაიცვა 1972 წელს; სადოქტორო დისერტაციის თემა - "გულის იშემიური დაავადებისა და არტერიული ჰიპერტონიის ეპიდემიოლოგია და პროფილაქტიკა საქართველოს ზოგიერთი რეგიონის მოსახლეობაში", დაიცვა 1998 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.49; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.310

• საქართველოს პროფილაქტიკური მედიცინის მეცნიერებათა აკადემია, წევრი, აკადემიკოსი

• ღირსების ორდენი