ნუგზარ საჯაია

დაბადების ადგილი: სოფელი ჯვარი, წალენჯიხის რაიონი. 

დაამთავრა თბილისის სულხან-საბა ორბელიანის სახელობის სახელმწიფო პედაგოგიური ინსტიტუტის ფიზიკის ფაკულტეტი 1963 წელს.

1963-1970 წწ. ქ. თბილისის საშუალო 71-ე სკოლის მასწავლებელი; არის კომკავშირულ სამუშაოზე: 1970-1990 წწ. საქართველოს კპ თბილისის საქალაქო კომიტეტის ინსპექტორი, ვაკის, ნაძალადევის რაიონის რაიკომის განყოფილების გამგე, მცხეთის რაიკომის პირველი მდივანი, ჩხოროწყუს რაიკომის პირველი მდივანი, ფოთის საქალაქო კომიტეტის პირველი მდივანი (1979-1986), საქართველოს კპ ცენტრალური კომიტეტის განყოფილების გამგე, რესპუბლიკის სახალხო კონტროლის კომიტეტის თავმჯდომარე (1986-1989); 1990-1991წწ. საქართველოს რესპუბლიკის უზენაესი საბჭოს წევრი საარჩევნო ბლოკი: საქართველოს ერთიანი კომუნისტური პარტია, საარჩევნო ფორმა: პარტიული სიით. ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). 1996-2002წწ. პრეზიდენტის თანაშემწე ეროვნული უშიშროების საკითხებში და უშიშროების საბჭოს მდივანი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 295; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი .- თბ.-2015.-გვ. 310

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)

• ვახტანგ გორგასლის ორდენი
• ღირსების ორდენი