კარლო საკანდელიძე

დაბადების ადგილი: სოფელი ზედა ბზვანი,  ვანის რაიონი. 

დაამთავრა თბილისის სახელმწიფო თეატრალური ინსტიტუტის სამსახიობო ფაკულტეტი 1949 წელს.

1949 წლიდან შოთა რუსთაველის სახელობის სახელმწიფო თეატრის მსახიობია. მისი მნიშვნელოვანი როლებია: გოგია  ("ლოსვეს ამბავი"), გიო ("ტარიელ გოლუა"), ოსიკო ხარებაძე ("შემოდგომის აზნაურები"), კუჩარა ("ყვარყვარე თუთაბერი"), ტოშეკი("რა სიყვარული"), ჭინჭრაქა ("ჭინჭრაქა"), ბუთხუზა ("ძველი ყომარბაზები"), არისტო ქვაშავაძე("სამანიშვილის დედინაცვალი") გლეხი და ქმარი ("კავსასიური ცარცის წრე"), კეტსბი ("რიჩარდ III"), სკრუჯი ("შობის ღამის სიზმარი") და სხვ. რუსთაველის თეატრის სცენაზე მსახიობმა 61 წელი გაატარა, მას 50-მდე კინოროლი და 80-მდე როლი თეატრში აქვს შესრულებული. 2008 წელს შოთა რუსთაველის სახელობის სახელმწიფო თეატრის წინ მისი სახელობის ვარსკვლავი გაიხსნა.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 285; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.108

• საქართველოს კინემატოგრაფისტთა შემოქმედებითი კავშირი, წევრი

• 1998 - ღირსების ორდენი
  ქართული კინოსა და თეატრალური ხელოვნების განვითარებაში შეტანილი პირადი წვლილისა და ნაყოფიერი შემოქმედებითი მოღვაწეობისათვის
• 1974 - საქართველოს სახალხო არტისტი
• 1961 - საქართველოს დამსახურებული არტისტი