იოანე გრუზინსკი

დაბადების ადგილი: ქ. პეტერბურგი.

დაამთავრა პეტერბურგის პაჟთა კორპუსი 1847 წელს.

კამერ–პაჟის რანგით ჩაირიცხა კავალენგრადის პოლკში, სადაც ერთ წელიწადს მსახურობდა; XIX–საუკუნის 60–იან წლებში ცხოვრობდა დასავლეთ ევროპის ქვეყნებში; დაახლოებული იყო რუს მწერალ ა. გერცენთან; აქვეყნებდა სტატიებს ლონდონსა და ჟენევაში გამომავალ გაზეთ "კოლოკოლში", რომლის გამოცემაშიც მას მატერიალური წვლილი შეჰქონდა; თავი მოუყარა ძველ ქართულ ხელნაწერებს, მხატვრულ ბეჭდურობის ნიმუშებსა და ისტორიულ რელიქვიებს; მან თავისი კოლექციაში თავმოყრილი ხელნაწერების ფონდი საჩუქრად გადასცა პეტერბურგის საჯარო ბიბლიოთეკას; მფარველობდა პეტერბურგში მცხოვრებ ქართველებს; მას, როგორც სამეფო სახლის უფროსს, პლატონ იოსელიანმა მიუძღვნა "ცხოვრება მეფისა გიორგი მეათცამეტისა"; ვინაიდან შვილი არ ჰყავდა, მისი გარდაცვალების შემდეგ ქართლ–კახეთის სამეფო ტახტის მემკვიდრის ლეგიტიმური უფლება გადავიდა მის ბიძაშვილზე (დ. გრუზინსკი); თავადი, ქართლ–კახეთის სამეფო ტახტის მემკვიდრე.

წყარო: საქართველო: ენციკლოპედია: ტ.2. – თბ., 2012. – გვ.167