მელქისედეკ ბექაია

დაბადების ადგილი: სამტრედიის რაიონი, სოფელი დიდი ჯიხაიში. 

დაამთავრა ჟენევის უნივერსიტეტი 1912 წელს.

1913 წელს მიიღო დოქტორის ხარისხი. 1912–1914წწ. მოღვაწეობდა ევროპის სამეცნიერო ცენტრებში, ხოლო 1914–1918წწ. ბაქოში; 1919  წლიდან, თბილისის სახელმწიფო უნივერსიტეტის პროფესორთა საბჭოს მიწვევით, იყო თბილისის სახელმწიფო უნივერსიტეტში ასისტენტი, დოცენტი შემდეგ პროფესორი. 1930–1936წწ. იყო თბილისის სახელმწიფო უნივერსიტეტის ტექნოლიგიური ქიმიის კათედრისა და 1937–1964წწ. ანალიზური ქიმიის კათედრის გამგე. მან დაამუშავა ფოსფორის რაოდენობრივი განსაზღვრის მეთოდი, შეისწავლა ზოგიერთი საკვები პროდუქტის ქიმიური შედგენილობა. გამოქვეყნებული ჰქონდა 50-მდე სამეცნიერო ნაშრომი, მათ შორის მონოგრაფია. იყო რამდენიმე საუნივერსიტეტო სახელმძღვანელოს ავტორი. თბილისის სახელმწიფო უნივერსიტეტის ქიმიის ფაკულტეტის ერთ-ერთი დამაარსებელი. ქიმიის მეცნიერებათა დოქტორი (1936), პროფესორი (1936).

წყარო: საქართველო: ენციკლოპედია: ტ.I.–თბ., 1997.–გვ.416

• 1961 - საქართველოს მეცნიერებათა დამსახურებული მოღვაწე