პეტრე გრუზინსკი

დაბადების ადგილი: ქ. თბილისი.

ბაგრატიონთა სამეფო ოჯახის წევრი; თავად ალექსანდრე ბაგრატიონ-გრუზინსკისა (1820-1865) და მისი პირველი მეუღლის ელენე ზაქარიას ასულ თარხან-მოურავის (1831-1903) ვაჟი; 1911-1916წწ. იმყოფებოდა რუსეთის სამსახურში: ნამდვილი სახელმწიფო მრჩეველი, კამერჰერი, რაც ყველაზე მაღალ წოდებად ითვლებოდა და უფლებას აძლევდა, მეფის საძინებლის კარის ოქროს გასაღები ჰქონოდა და შიგნით მაშინ შესულიყო, როცა მოესურვებოდა; იყო ილია ჭავჭავაძის მარჯვენა ხელი, საქართველოში სათავადაზნაურო ბანკის დამფუძნებელი; თავადი, ქართლ–კახეთის სამეფო ტახტის ლეგიტიმური მემკვიდრე (1888 წლიდან);  დაჯილდოებული იყო იმპერატორ ალექსანდრე III ხსოვნის მედლით. მამა ქართველი პოეტისა და დრამატურგის პეტრე გრუზინსკი–ბაგრატიონისა.

წყარო: საქართველო: ენციკლოპედია: ტ.2. – თბ., 2012. – გვ.167

• წმინდა სტანისლავის II ხარისხის ორდენი
• წმინდა ანას II ხარისხის ორდენი
• წმინდა ვლადიმირის IV ხარისხის ორდენი